নিউজ ডেস্ক, ২১ এপ্ৰিলঃ হাফলং আৰক্ষীৰ বৃহৎ সাফল্য। হাফলং আৰক্ষী থানাৰ ভাৰপ্ৰাপ্ত আৰক্ষী বিষয়া ৰঞ্জিত নাৰায়ণ আৰু লক্ষীন্দাৰ নাৰায়ণৰ নেতৃত্বত যোৱা এটা দলে বড়ো হাফলং অঞ্চলত অভিযান আৰম্ভ কৰে। এই অভিযানত ১০.৬ কিলো গাঞ্জাসহ এজনক আটক কৰে।
হাফলং আৰক্ষীয়ে এক গোপন সূত্ৰৰ পম খেদি এই অভিযানত এখন অটো-ৰিক্সাত এজন লোকৰ পৰা এই গাঞ্জাখিনি জব্দ কৰিবলৈ সক্ষম হয়।
Related Posts
আটকাধীন ব্যক্তিজন ডিমা হাচাওৰ হোকাই পুঞ্চি গাঁৱৰ বাসিন্দা ২৪ বছৰীয়া পাউটুয়েটিং জেম বুলি চিনাক্ত কৰা হৈছে। ইয়াৰপিছতেই হাফলং আৰক্ষী থানাত এনডিপিএছ আইনৰ ধাৰা ২০ (বি)ৰ অধীনত ২৯/২২ নম্বৰৰ এটা গোচৰ ৰুজু কৰা হয়।
ইয়াৰপিছতেই গাঞ্জা সৰবৰাহকাৰীজনক হাফলং আৰক্ষী থানাত অধিক তদন্তৰ বাবে জেৰা অব্যাহত ৰাখিছে।