নিউজ ডেস্ক, ১৬ মাৰ্চঃ পঞ্জাৱকে ধৰি পাঁচখন ৰাজ্যত অনুষ্ঠিত বিধানসভা নিৰ্বাচনত কংগ্ৰেছে শোচনীয় পৰাজয়ৰ সন্মুখীন হৈছে। ইয়াৰ পিছতে কংগ্ৰেছৰ সভাপতি ছোনিয়া গান্ধীয়ে পাঁচখন ৰাজ্যৰ কংগ্ৰেছ মুৰব্বীসকলৰ পদত্যাগ বিচাৰিছিল।
ইয়াৰ পিছতেই পঞ্জাৱ প্ৰদেশ কংগ্ৰেছ কমিটিৰ সভাপতি নৱজ্যোত সিং সিদ্ধুৱেও বুধবাৰে তেওঁৰ পদৰ পৰা পদত্যাগ কৰে। তেওঁ পদত্যাগত মাত্ৰ পাঁচটা শব্দ লিখিছিল। তেওঁ ইয়াত লিখিছিল, “আই হিয়াৰবাই ৰিজাইন এজ প্ৰেছিডেণ্ট ।” ইয়াৰ অৰ্থ হৈছে মই সভাপতি পদৰ পৰা পদত্যাগ কৰিছো।
পঞ্জাৱ বিধানসভা নিৰ্বাচনত কংগ্ৰেছৰ শোচনীয় পৰাজয়ৰ পিছতেই পঞ্জাৱৰ ভাৰপ্ৰাপ্ত হৰিশ চৌধুৰীয়ে মঙলবাৰে প্ৰাৰ্থীসকলৰ এখন বৈঠক আহ্বান কৰিছিল য’ত পৰাজয়ৰ ওপৰত আত্মনিৰীক্ষণ কৰিব পৰা যায়। ইয়াৰ পিছতেই কংগ্ৰেছ হাইকমাণ্ডে মতামত লৈছিল আৰু পাঁচখন ৰাজ্যৰ সভাপতিসকলৰ পদত্যাগ দাবী কৰিছিল। সিদ্ধুৱে নিৰ্বাচনী প্ৰচাৰৰ সময়তো পদত্যাগ পত্ৰ দাখিল কৰিছিল, কিন্তু সেই সময়ত কংগ্ৰেছ হাইকমাণ্ডে তেওঁৰ পদত্যাগ গ্ৰহণ কৰা নাছিল।