Assam | Nalbari news: বৰক্ষেত্ৰী মহাবিদ্যালয়ত স্বাস্থ্য সজাগতা শিবিৰ
নলবাৰী: নলবাৰী জিলাৰ মুকালমুৱা নাৰায়ণপুৰস্থিত বৰক্ষেত্ৰী মহাবিদ্যালয় প্ৰাঙ্গণত ‘গ্ৰেণ্ডলাইফ ওৱেলনেছ চেণ্টাৰ ‘ আৰু ‘IQAC বৰক্ষেত্ৰী মহাবিদ্যালয়’ৰ উদ্যোগত আজি এক স্বাস্থ্য সজাগতা শিবিৰৰ আয়োজন কৰা হয়। উক্ত অনুষ্ঠানটোত আঁত ধৰে বৰক্ষেত্ৰী মহাবিদ্যালয়ৰ অসমীয়া বিভাগৰ মুৰব্বী অধ্যাপক দেৱান নজৰুল ইছলামে।
অনুষ্ঠানটোত উপস্থিত থাকে IQAC ৰ সমন্ধয়ক ড° মকছেদ আলী, বৰক্ষেত্ৰী মহাবিদ্যালয়ৰ শৈক্ষিক তত্ত্বাৱধায়ক মৃদুল হক চৌধুৰী আৰু গ্ৰেণ্ডলাইফ ওৱেলনেছ চেণ্টাৰৰ বিভাগীয় বিষয়াসকল। মহাবিদ্যালয়খনৰ অসমীয়া বিভাগৰ মুৰব্বী অধ্যাপক দেৱান নজৰুল ইছলামে ছাত্ৰ – ছাত্ৰীসকলক খাদ্য আৰু জীৱন- ধাৰণ প্ৰনালীৰ প্ৰতি সজাগ হৈ নিজৰ লগতে ছাত্ৰ ছাত্ৰীসকলক ৰোগমুক্ত হৈ থকাৰ বাবে পৰামৰ্শ আগবঢ়ায়।
উল্লেখ্য যে স্বাস্থ্য সজাগতা শিবিৰত মহাবিদ্যালয়খনৰ অধ্যাপক- অধ্যাপিকা, কৰ্মচাৰী, অভিভাৱকৰ লগতে ছাত্ৰ – ছাত্ৰীসকলৰো বিনামূলীয়াকৈ স্বাস্থ্য পৰীক্ষাৰ ব্যৱস্থা কৰে।
লগতে পঢ়ক : Assam | Dhing eviction: বেদখল ভূমিৰ ওপৰত নিজে নিজে কৰিলে উচ্চেদ অভিযান