Moral Policing in State : ৰাজ্যত পুনৰ মৰেল পুলিচিঙৰ ঘটনা,ছাগলী চোৰৰ সন্দেহত তিনি যুৱকক গছত বান্ধি নিৰ্মমভাৱে প্ৰহাৰ
নিউজ ডেস্ক, ২৫অক্টোবৰ : ৰাজ্য চলি আছে দুৰ্গা পূজা । মা দেৱীক বিসৰ্জনত ব্যস্ত ৰাইজ । তাৰ মাজতে সংঘটিত হৈছে এক অনাকাংশিত ঘটনা ।
ৰাজ্যত পুনৰ সংঘটিত হৈছে মৰেল পুলিচিঙৰ ঘটনা (Moral Policing in State)। ৰাজ্যত মৰেল পুলিচিঙৰ ঘটনা প্ৰায় সংঘটিত হৈ আছে (Moral Policing in Sivasagar)। এইবাৰ শিৱসাগৰত সংঘটিত হৈছে মৰেল পুলিচিঙৰ ঘটনা।
শিৱসাগৰৰ নামতিয়ালত ৩যুৱকক গণপ্ৰহাৰ । গছত বান্ধি চোলা খুলি নিৰ্মম প্ৰহাৰ তিনি যুৱকক ।
পুনৰ ছাগলী চোৰৰ সন্দেহত তিনি যুৱকক গছত বান্ধি নিৰ্মমভাৱে প্ৰহাৰ কৰা ঘটনা পোহৰলৈ আহিছে ৷
উল্লেখ্য যে, গৌৰীসাগৰ আৰক্ষী থানাৰ অন্তৰ্গত নামতিয়ালত কিছুদিন আগৰ পৰা ছাগলী চোৰৰ ঘটনা সংঘটিত হৈ আহিছিল । কিন্তু বুধবাৰে পুৱা তিনি যুৱকক সেই ঠাইৰে গৈ থকাৰ অৱস্থাত একাংশ লোকে ছাগলী চোৰৰ সন্দেহত আৱদ্ধ কৰে আৰু নামতিয়ালৰ ৱাকচুং-নআলি পথৰ কাষত যুৱকককেইজনক গছত বান্ধি প্ৰায় দুশৰো অধিক লোকে ঘেৰাও কৰে ।
জানিব পৰা মতে, কালুগাঁও গায়ন গাঁৱৰ মিলন জ্যোতি ভূঞা, শলগুৰিৰ পৰাণ দত্ত আৰু নামতি মেজেঙাৰ প্ৰশান্ত গগৈক একাংশ লোকে আৱদ্ধ কৰি চোলা ফালি গছত বান্ধি গুৰুলা-গুৰুলকৈ প্ৰহাৰ কৰে । তাৰ পিছতে গৌৰীসাগৰ আৰক্ষীক খবৰ দিয়ে ৷ স্থানীয় লোকে কোৱা অনুসৰি অঞ্চলটোত যোৱা কিছুদিন ধৰি ছাগলী চুৰ হৈ আহিছিল । ফলত একাংশ লোক সন্দেহত হৈ আছিল ।
এই ঘটনাৰ খবৰ পোৱাৰ পিছতে ঘটনাস্থলীত উপস্থিত হয় গৌৰীসাগৰ আৰক্ষী । ঘটনাস্থলীত গৌৰিপুৰ আৰক্ষী উপস্থিত হৈ তিনি যুৱকক উদ্ধাৰ কৰি চিকিৎসালয়লৈ প্ৰেৰণ কৰে ।
ইতিমধ্য়ে গৌৰীসাগৰ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে ।
লগতে পঢ়ক :Supected Murder in Mankachar: মানকাচৰত বোৱাৰীৰ ৰহস্যজনক মৃত্যু