Parents Killed Daughter : নাবালিকা কন্যাক কাপোৰ খুলি হত্যা পিতৃ-মাতৃৰ
নেশ্যনেল ডেস্ক, ২৩ জুন : এক লোমহৰ্ষক হত্যাকাণ্ড । বাগানত উদ্ধাৰ উলংগ এগৰাকী নাবালিকাৰ মৃতদেহ (Parents Killed Daughter)। নাবালিকাগৰাকীৰ দেহ এনেভাৱে ক্ষত-বিক্ষত কৰা হৈছিল যে চিনাক্ত কৰাও কঠিন হৈ কৰিছে । আৰক্ষীয়ে ধাৰণা কৰা অনুসৰি আক্ৰোশমূলকভাৱে এই ঘটনা সংঘটিত কৰিব পাৰে কোনো দুৰ্বৃত্তই (Parents Killed Daughter)। কিন্তু তদন্তত ওলাল গাৰ নোম শিয়ৰি উঠা তথ্য ।
প্ৰথমে নাবালিকাগৰাকীক দুই আৰু চাৰি বছৰীয়া দুই ভাতৃৰ সন্মুখত শ্বাসৰুদ্ধ কৰি হত্যা কৰে পিতৃ-মাতৃয়ে । তাৰ পিছত পোছাক খুলি পেলোৱা হয় যাতে সহজতে পৰিচয় বুজা নাযায় । ক্ষত-বিক্ষত কৰা হয় মুখ, ডিঙি ।
এই ঘটনা সংঘটিত হৈছে উত্তৰ প্ৰদেশৰ সীতাপুৰ জিলাত ।
জানিব পৰা মতে পৰিয়ালৰ সন্মান ৰক্ষাৰ বাবে নৃশংসভাবে হত্যা কৰে নিজ কন্যাক ।
অতিৰিক্ত আৰক্ষী অধীক্ষক এন পি সিঙে জনোৱা অনুসৰি , নাবালিকাগৰাকীয়ে পিতৃ-মাতৃৰ সৈতে দিল্লীত পৰিচালিকাৰ কাম কৰিছিল । তাতেই হাৰদোই জিলাৰ আত্ৰৌলিৰ বাসিন্দা সৰ্বেশ নামৰ এজন যুৱকৰ সৈতে চিনাকি হৈছিল । এটা সময়ত দুয়োৰে মাজত প্ৰেমৰ সম্পৰ্ক গঢ় লৈ উঠে । সৰ্বেশ পিছপৰা জাতিৰ আছিল । কথাটো জানিব পাৰি নাবালিকাগৰাকীৰ পিতৃ-মাতৃ জাঙুৰ খাই উঠে । খৰখেদাকৈ কন্যাক লৈ আহে সীতাপুৰ জিলাৰ সাদনা থানাৰ অন্তৰ্গত নিজৰ গাঁৱলৈ । কিন্তু কিশোৰীগৰাকীয়ে মানি লোৱা নাছিল পিতৃ-মাতৃৰ কথা । সেয়ে কন্যাক হত্যাৰ ষড়যন্ত্ৰ কৰে পিতৃ-মাতৃয়ে।
আৰক্ষীৰ সূত্ৰে জানিব পৰা মতে, ১৭ জুনত সাদনা থানাৰ অন্তৰ্গত ছাহোলী গাঁৱত এগৰাকী নাবালিকাৰ অৰ্ধনগ্ন মৃতদেহ উদ্ধাৰ হৈছিল। প্ৰথম অৱস্থাত মৃতদেহটো চিনাক্ত কৰিব পৰা হোৱা নাছিল। অনুমান কৰিব পৰা হোৱা নাছিল হত্যাকাণ্ডৰ কাৰণ । কিছুদিনৰ ভিতৰতে তদন্তত সফলতা লাভ কৰিবলৈ সক্ষম হয় আৰক্ষীয়ে । আন কোনো দুৰ্বৃত্ত নহয়, নাবালিকাগৰাকীক হত্যা কৰা হৈছে পিতৃ-মাতৃয়ে।
আৰক্ষীৰ তদন্তত জানিব পৰা গৈছে, এজন আত্মীয়ৰ পৰা এখন বাইক আনে পত্নীয়ে । তাৰ পাছত কন্যাক বাগানলৈ নি নিশংসভবে হত্যা কৰে নিজ পেতৃ-মাতৃয়ে । এই ঘটনাৰ পিছতেই বাইকৰ গৰাকীয়ে বাইকখন ঘূৰাই নিদিয়া বুলি থানাত অভিযোগ কৰিছিল । ইয়াৰ পিছতে অভিযুক্ত লোকজনৰ সন্ধান কৰে আৰক্ষীয়ে । এই অভিযোগৰ পিছতে সমগ্ৰ ঘটনা পোহৰলৈ আহে ।
অৱশেষত অভিযুক্ত পিতৃ-মাতৃক গ্ৰেপ্তাৰ কৰি আৰক্ষীয়ে সোধা-পোছা কৰে । শেষত হত্যাৰ কথা স্বীকাৰ কৰে স্বামী-স্ত্ৰীয়ে । আৰক্ষীয়ে হত্যাকাণ্ডত ব্যৱহৃত অস্ত্ৰও উদ্ধাৰ কৰিছে।
লগতে পঢ়ক : Missing Titanic Submersible : টাইটানিকৰ ধ্বংসাৱশেষ চাবলৈ গৈ নিৰুদ্দেশ হোৱা পৰ্যটকৰ মৃত্যু