Minor Boy Falls into Drain After Alleged Drug Use : মহানগৰীত অঘটন; মাকে পইচা নিদিয়াৰ বাবে কিশোৰে জাঁপ দিলে নলাত
নিউজ ডেস্ক,৩১আগষ্ট : গুৱাহাটী মহানগৰীত অঘটন। মহানগৰীৰ ছাৰ্ভেৰ অজন্তা পথৰ নলাত জাঁপ দিলে এটি কিশোৰে। সন্দেহ কৰা অনুসৰি নিচাগ্ৰস্ত অৱস্থাত আছিল কিশোৰজন।
নিচা গ্ৰহণ কৰিবলৈকে কিশোৰজনে ১০০০ টকা বিচাৰিছিল । ১হাজাৰ টকা নিদিয়াৰ বাবেই কিশোৰজনে নলাত জাপ দিয়ে ।
জানিব পৰা মতে ১৫ বছৰীয়া এই কিশোৰজন নিচাযুক্ত দ্ৰব্য সেৱন কৰি প্ৰায়ে ঘৰৰ বাহিৰতে থাকে। কিন্তু শুকুৰবাৰে নিশা ঘৰলৈ আহি ১০০০ টকা বিচাৰিছিল। কিন্তু মাক-দেউতাকে সেই ধন নিদিয়াত পুৱাই ভনীয়েকৰ মোবাইলটো লৈ পলায়ন কৰে(Minor Boy Falls into Drain After Alleged Drug Use)।
ইফালে পিছে পিছে দেউতাকে তাক ধৰিবলৈ দৌৰাত ৰাবিউল নামৰ ল’ৰাটোৱে অজন্তা পথৰ এটা নলাত জাঁপ দিয়ে। এই ঘটনা সংঘটিত হোৱাৰ পিছতে ঘটনা সন্দৰ্ভত আৰক্ষীক খবৰ দিয়ে। আৰক্ষীক খবৰ দিয়াৰ পাছত আৰক্ষীৰ লগতে এছ ডি আৰ এফৰ এটা দল ঘটনাস্থলীত উপস্থিত হৈ উদ্ধাৰ অভিযান আৰম্ভ কৰে। ইফালে পুৱা প্ৰায় ৮-৩০ বজালৈকে কিশোৰজনৰ হাতত থকা ভনীয়েকৰ ফোনলৈ মাকে ফোন কৰাত নলাটোৰে গৈ সি শিজুবাৰীৰ ওচৰত আছে বুলি কৈছিল যদিও উদ্ধাৰকাৰীয়ে সিজুবাৰীৰ ওচৰত কোনো সন্ধান নাপালে(Minor Boy Falls into Drain After Alleged Drug Use)।
ফলত পুনৰ অজন্তা পথলৈ আহি নলাৰ শ্লেব আঁতৰাই উদ্ধাৰ অভিযান চলাই আছে। ৰাবিউলৰ হাতত থকা মোবাইলটোও এতিয়া বন্ধ হৈ পৰিছে। ইফালে যিটো স্থানত নলাত জাঁপ দিছিল তাত পানী বেছি নাই যদিও নলাটো যথেষ্ট গভীৰ।
লগতে পঢ়ক :Thousands of fish were killed by poisoning in the pond :পুখুৰীত বিহ দি মাছ নিধন দুষ্কৃতিকাৰীৰ