নগৰবেৰা,২৪জুন : পুনৰ খোল খাইছে সমবায় সমিতিখনৰ দুৰ্নীতিৰ দস্তাবেজ(Mid day meal scam)।
এইবাৰ বাঘমাৰাচৰ সমবায় সমিতিৰ বিৰুদ্ধে মধ্যহ্ন ভোজনৰ চাউল হৰলুকি কৰাৰ গুৰুতৰ অভিযোগ ৷ বাঘমাৰাচৰ সমবায় সমিতিৰ সম্পাদকৰূপী উঠি ৰজা বহিৰজা ৰিপন আলী সৰকাৰৰ বিৰুদ্ধে উত্থাপন হৈছে এই গুৰুতৰ অভিযোগ৷
অভিযোগ অনুসৰি, সমবায়ৰ গাতে লাগি থকা বাঘমাৰাচৰ উচ্চ মাধ্যমিক বিদ্যালয় মধ্যহ্ন ভোজনৰ চাউল ৬০.৭০ কুইন্টল দিয়াৰ পৰিৱৰ্তে সম্পাদক ৰিপন আলী সৰকাৰে মাত্ৰ ৪০ কুইন্টল চাউলহে স্কুল কৰ্তৃপক্ষক যোগান ধৰা বুলি বৰপেটা যোগান বিভাগত শিক্ষক খলিলুৰ ৰহমানে লিখিত অভিযোগ দাখিল কৰিছিল৷
উক্ত অভিযোগৰ ভিত্তিত ৰবিবাৰে বাঘমাৰচৰ সমবায় সমিতিত উপস্থিত হয় যোগান বিভাগৰ তদন্তকাৰী বিষয়া ৷ য’ত বিদ্যালয় প্ৰধানে ৪০ কুইন্টল চাউলহে পোৱা বুলি ৰাজহুৱাভাৱে কোৱাৰ ওপৰিও পুনৰাই লিখি দিয়ে ৷ শিক্ষকগৰকীয়ে প্ৰকৃত সত্য উদঙাই দিয়াৰ পাছতে সম্পাদক ৰিপন আলী সৰকাৰে খঙত অগ্নিশৰ্মা হৈ পৰে ৷ আনকি শিক্ষক খলিলুৰ ৰহমানে ঘৰলৈ যোৱা পথত আগ ভেটা দি অকথ্য গালি গালাজ পাৰাৰ ওপৰিও বিভিন্ন ভয় ভাবুকি দিয়াও পৰিলক্ষিত হয় ৷
তদন্তকাৰী বিষয়া এজনৰ সম্মুখত কাৰ সাহসত এজন সমবায় সম্পাদকে বিদ্যালয় প্ৰধান এজনক এনেদৰে বাট আগুছি দুৰ্ব্যৱহাৰ কৰাৰ সাহস পালে? তাক লৈ সচেতন মহলত চলিছে চৰ্চা৷
এতিয়া প্ৰশ্ন হয় বাঘমাৰাচৰ সমবায় সমিতিৰ সম্পাদক ৰিপন আলী সৰকাৰে এটাৰ পিছত এটা দুৰ্নীতি কৰাৰ পিছত কেনেদৰে সম্পাদক পদত অধিষ্ঠিত হৈ আছে? তাক লৈও বিভিন্ন জনৰ মাজত সন্দেহৰ সৃষ্টি হৈছে(Mid day meal scam)৷
লগতে পঢ়ক : যোৰহাটত সুৰামত্ত অৱস্থাত তাণ্ডৱ চলাই গ্ৰেপ্তাৰ প্ৰতিষ্ঠিত ব্যৱসায়ীৰ পুত্ৰ