নিউজ ডেস্ক, ১৪ নৱেম্বৰ : দীপাৱলীৰ আনন্দ উল্লাহৰ মাজতে মহানগৰীত বিধ্বংসী অগ্নিকাণ্ড । সোমবাৰে নিশা মহানগৰীৰ পাঞ্জাবাৰীত ভয়ংকৰ অগ্নিকাণ্ড । পাঞ্জাবাৰীৰ গংগা শান্তি এপাৰ্টমেণ্টত সংঘটিত হৈছে এই অগ্নিকাণ্ডটো
জানিব পৰা মতে, সোমবাৰে নিশা পাঞ্জাবাৰীৰ গংগা শান্তি এপাৰ্টমেণ্টত সুৰাৰ পাৰ্টি আয়োজন কৰা হৈছিল । সেই সুৰাৰ পাৰ্টিৰ মাজতে ফটকাৰ পৰাই ফ্লেটটোত অগ্নিসংযোগৰ সন্দেহ প্ৰকাশ কৰিছে ফ্লেটটোৰ গৰাকীয়ে ।
প্ৰাপ্ত তথ্য অনুসৰি, এই বিধ্বংসী অগ্নিকাণ্ডৰ ফলত নিমিষতে জুইত জাহ যায় সকলো। প্ৰশাসনৰ নিয়ম উলংঘা কৰি মাজনিশালৈকে পাঞ্জাবাৰী গংগা শান্তি এপাৰ্টমেণ্টৰ আৱাসীয়ে ফুটাইছিল আতচবাজী(Fire Caused By Diwali Crackers Engulf Flat in Guwahati)।
অভিযোগ অনুসৰি, সুৰাৰ ৰাগীত মাতাল হৈ নীতি-নিয়ম নমনাকৈ এফালৰ পৰা এপাৰ্টমেণ্টটোৰ আৱাসীয়ে ফুটাই গৈছিল আতচবাজী। তদুপৰি, গংগা শান্তি এপাৰ্টমেণ্টৰ আৱাসীয়ে নিশা আয়োজন কৰিছিল সুৰাৰ পাৰ্টিৰো। আতচবাজীৰ জুইৰ পৰা এই অগ্নিকাণ্ড সংঘটিত হয় বুলি স্থানীয় লোকৰ পৰা জানিব পৰা গৈছে(Massive fire breaks out in Guwahati)।
উল্লেখযোগ্য যে, ঘটনাস্থলীত অগ্নিনিৰ্বাপক বাহিনী উপস্থিত হৈ জুই নিৰ্বাপন কৰে যদিও অগ্নিকাণ্ডৰ ফলত ক্ষতি হয় কোটি টকা মূল্যৰ সামগ্ৰী। অগ্নিকাণ্ড সংঘটিত হোৱা ফ্লেটটোত যোৱা ৫ দিন ধৰি কোনো নাছিল বুলি জানিব পৰা গৈছে।
ফ্লেটটোৰ গৰাকী দেৱৰাজ ভাগৱতীৰ ভাষ্য অনুসৰি, প্ৰশাসনৰ নিয়ম উলংঘা কৰি মাজনিশালৈকে আতচবাজী ফুটোৱাৰ বাবে এই অগ্নিকাণ্ড সংঘটিত হৈছে। ফ্লেটটোৰ গৰাকীয়ে গংগা শান্তি এপাৰ্টমেণ্টৰ বিল্ডাৰ মাধৱ শৰ্মাৰ বিৰুদ্ধে আনিছে আন কেইবাটাও অভিযোগ। সমগ্ৰ ঘটনা সন্দৰ্ভত ফ্লেটটোৰ গৰাকী দেৱৰাজ ভাগৱতীয়ে ইতিমধ্যে দিছপুৰ থানাত দাখিল কৰিছে এজাহাৰ।
লগতে পঢ়ক : Fire caused by Diwali crackers : দীপাৱলীৰ আনন্দ উল্লাহৰ মাজতে বিধ্বংসী অগ্নিকাণ্ড