নিউজ ডেস্ক, ১৫ ফেব্ৰুৱাৰী : দলগাঁৱত ভয়ংকৰ অগ্নিকাণ্ড ।
বুধবাৰে নিশা সংঘটিত হয় এই ভয়ংকৰ অগ্নিকাণ্ডৰ ঘটনাটো । দলগাঁৱৰ অন্তৰ্গত ১ নং বৰুৱাঝাৰত গাঁৱত সংঘটিত হোৱা এই অগ্নিকাণ্ডৰ ফলত ৫ টা পৰিয়ালৰ ঘৰ জুইত জাহ যোৱাৰ লগতে অগ্নিদগ্ধ মৃত্যু হয় এগৰাকী মহিলা।মৃত্যু হোৱা মহিলাগৰাকীৰ নাম মালেকা খাতুন বুলি জানিব পৰা গৈছে(Massive fire breaks out in Dalgaon)।
জানিব পৰা মতে, বিদ্যুতৰ শ্বৰ্ট চাৰ্কিটৰ ফলত জুইৰ সূত্ৰপাত হোৱাত এই অগ্নিকাণ্ডৰ ঘটনাটো সংঘটিত হোৱা বুলি স্থানীয় ৰাইজে সন্দেহ কৰিছে।
উল্লেখ্য যে, এই অগ্নিকাণ্ডটো ইমানে ভয়ংকৰ আছিল যে নিমিষতে ৫ টা পৰিয়ালৰ ঘৰ জুইত জাহ যোৱাৰ লগতে বহু নথিপত্ৰসহ প্ৰায় লক্ষাধিক টকাৰ সা-সামগ্ৰী জুইত ভষ্মীভূত হয়।
এই অগ্নিকাণ্ডৰ ঘটনা সংঘটিত হোৱাৰ পিছতে অগ্নিনিৰ্বাপক বাহিনী ঘটনাস্থলীত উপস্থিত হয়। অগ্নিনিৰ্বাপক বাহিনী আৰু আৰক্ষী প্ৰশাসন তৎপৰতাত জুই নিৰ্বাপন কৰিবলৈ সক্ষম হয়(Massive fire breaks out in Dalgaon)।