নিউজ ডেস্ক, ১৮ ফেব্ৰুৱাৰী : বিধ্বংসী অগ্নিকাণ্ডৰ ঘটনা । জুই ভস্মীভূত লাখ টকাৰ সামগ্ৰী(Massive fire breaks out) ।
বঙাইগাঁও জিলাৰ অভয়াপুৰী আৰক্ষী থানাৰ অন্তৰ্গত লতিবাৰীত সংঘটিত হৈছে ভয়ংকৰ অগ্নিকাণ্ডৰ ঘটনা । দেওবাৰে পুৱাৰ ভাগত সংঘটিত হয় এই অগ্নিকাণ্ডৰ ঘটনাটো ৷ লতিবাৰীৰ জোমৰ আলীৰ নামৰ লোকজনৰ বাসগৃহত সংঘটিত হয় এই অগ্নিকাণ্ডটো । ভুক্তভোগীৰ পৰিয়ালৰ লোকে বৈদ্যুতিক শ্বৰ্ট চাৰ্কিটৰ বাবে এই অগ্নিকাণ্ড সংঘটিত হোৱা বুলি সন্দেহ প্ৰকাশ কৰে(Massive fire breaks out in Bongaigaon)।
জানিব পৰা মতে,এই অগ্নিকাণ্ডটো ইমানে ভয়ংকৰ আছিল নিমিষতে জুই বিয়পি পৰে । অগ্নিকাণ্ডৰ ফলত নগদ ৫০ হাজাৰ টকাসহ প্ৰায় দুই লাখ টকাৰ সম্পত্তিৰ ক্ষতি হোৱা বুলি পৰিয়ালৰ লোকে জানিবলৈ দিয়ে ।
এই অগ্নিকাণ্ড সংঘটিত হোৱাৰ পিচতেই স্থানীয় ৰাইজে অগ্নিনিৰ্বাপক বাহিনীৰ লোকক খবৰ দিয়ে ৷ অগ্নিনিৰ্বাপক বাহিনীৰ দল এটাই ঘটনাস্থলীত উপস্থিত হৈ জুই নিৰ্বাপিত কৰিবলৈ সক্ষম হয় । পিচত ঘটনাস্থলীত অভয়াপুৰী থানাৰ আৰক্ষী উপস্থিত হৈ ঘটনা সন্দৰ্ভত তদন্ত আৰম্ভ কৰে ।
লগতে পঢক :Farmers’ protest Day 6 : কৃষক আন্দোলনৰ আজি ষষ্ঠ দিন