Manshi Konwar kacharis boyfriend arrested : মানসী কোঁৱৰ কছাৰীক হত্যা কৰা সন্দেহত গ্ৰেপ্তাৰ পৰকীয়া প্ৰেমিক ৰূপসিং পেগুক
নিউজ ডেস্ক,২২আগষ্ট : দিছপুৰ আৰক্ষীৰ ধাৰাবাহিক তদন্তৰ পিছত পোহৰলৈ আহিল মানসী কোঁৱৰ কছাৰীৰ ঘটনাৰ ৰহস্য। ধাৰাবাহিক তদন্তৰ দিছপুৰ আৰক্ষীৰ জালত পৰিল মানসী কোঁৱৰ কছাৰীৰ পৰকীয়া প্ৰেমিক ৰূপসিং পেগু। মানসী কোঁৱৰ কছাৰীক হত্যা কৰা সন্দেহত দিছপুৰ আৰক্ষীয়ে গ্ৰেপ্তাৰ কৰে ৰূপসিং পেগুক(Manshi Konwar kacharis boyfriend arrested)।
জানিব পৰা মতে,মৃত মানসী কোঁৱৰ কছাৰীৰ স্বামীৰ সৈতে সু-সম্পৰ্ক নাছিল ৷ ভাৰাঘৰলৈ স্বামী নহয় পৰিৱৰ্তে অন্য বহু পুৰুষৰ অহা-যোৱা কৰাৰো অভিযোগ উত্থাপন হৈছে ৷
উল্লেখ্য যে, ৮ আগষ্টৰ নিশা মহানগৰীৰ হেঙেৰাবাৰীৰ ভাৰাঘৰত উদ্ধাৰ হৈছিল ধেমাজিৰ মানসী কোঁৱৰ কছাৰীৰ ৰহস্যজনক মৃতদেহ। ৮ আগষ্টত হেঙেৰাবাৰীৰ শেৱালী পথৰ হাউচ নম্বৰ ১৭ৰ এটা ভাৰাঘৰৰ পৰা ওলাইছিল এক গেলা গোন্ধ। লগে লগে হুৱাদুৱা লাগিছিল শেৱালী পথ থকা আৱাসীৰ মাজত। ভাৰাঘৰৰ মজিয়াত উঁৱলি যোৱা অৱস্থাত পৰি আছিল মানসী কোঁৱৰ কছাৰী নামৰ মহিলাগৰাকীৰ ৰক্তাক্ত শৰীৰ।
মৃতদেহ উদ্ধাৰ হোৱাৰ তিনিমাহ মান পূৰ্বে ভাৰাঘৰটো লৈ আহিছিল মানসী কোঁৱৰ কছাৰী। কিন্তু ঘৰটোত ৰহস্যজনক অৱস্থাত মৃতদেহ উদ্ধাৰ হোৱাৰ খবৰে আতংকিত কৰি তুলিছিল সকলোকে ৷ দিছপুৰ আৰক্ষী উপস্থিত মৃতদেহ উদ্ধাৰ কৰিছিল। আৰক্ষীয়য়ে প্ৰাৰম্ভিক তদন্তৰ পিছতে মহিলাগৰাকীৰ মৃত্যু তিনি-চাৰিদিন পূৰ্বেই হোৱা বুলি নিশ্চিত কৰিছিল।