Manish Sisodia statement : দিল্লীৰ মুখ্যমন্ত্ৰী অৰবিন্দ কেজৰিৱালৰ পাছত এইবাৰ প্ৰাক্তন শিক্ষামন্ত্ৰী মনীষ ছিচোদিয়াৰ বৃহৎ ঘোষণা
নিউজ ডেস্ক,১৫ছেপ্তেম্বৰ : দিল্লীৰ মুখ্যমন্ত্ৰী অৰবিন্দ কেজৰিৱালৰ পাছত এইবাৰ প্ৰাক্তন শিক্ষামন্ত্ৰী মনীষ ছিচোদিয়াৰ বৃহৎ ঘোষণা ।
আপৰ দুই শীৰ্ষনেতাৰ আকস্মিক ঘোষণাই দেশৰ ৰাজনীতিত লাভ কৰিছে ব্যাপক চৰ্চা(Manish Sisodia statement)।
এই মুহূৰ্তত তেওঁ দিল্লীৰ উপ-মুখ্যমন্ত্ৰী আৰু শিক্ষামন্ত্ৰীৰ আসনত বহিব নোৱাৰিব বুলি উল্লেখ কৰি ‘এক্স’ৰ এটা পোষ্টত তেওঁ লিখিছে, ‘মই সততাৰ শিক্ষাৰ কাম কৰিবলৈ ৰাজনীতিলৈ আহিছিলোঁ। ১০ বছৰ ধৰি মই দিল্লীৰ শিক্ষামন্ত্ৰী হিচাপে সততাৰে কাম কৰিছিলোঁ। বিদ্যালয় নিৰ্মাণ কৰিছিলোঁ। নতুন বিশ্ববিদ্যালয় নিৰ্মাণ কৰা হৈছিল। দিল্লীৰ শিক্ষামন্ত্ৰী হিচাপে মই এই মন্ত্ৰৰে কাম কৰিছিলোঁ যে চৰকাৰী বিদ্যালয়সমূহত মানসম্পন্ন শিক্ষা প্ৰদান নকৰাকৈ ভাৰত এখন উন্নত ৰাষ্ট্ৰ হ’ব নোৱাৰে। ১০ বছৰৰ কঠোৰ পৰিশ্ৰমৰ প্ৰভাৱো এতিয়া দেখা গৈছে। সম্প্ৰতি দিল্লীৰ চৰকাৰী বিদ্যালয়সমূহতো শিশুসকলে সুন্দৰভাৱে অধ্যয়ন কৰি IIT, JEE, NEETৰ দৰে পৰীক্ষাত শীৰ্ষস্থান দখল কৰিছে।’
ছিচোদিয়াই লগতে লিখিছে, ‘মই সততাৰে কাম কৰিছিলোঁ। কিন্তু সংকীৰ্ণ ৰাজনীতিৰ অধীনত মিছা অভিযোগ উত্থাপন কৰি মোক অসৎ প্ৰমাণ কৰিবলৈ চেষ্টা কৰা হৈছিল। মিছা অভিযোগত ১৭ মাহ কাৰাবাস। দুবছৰৰ আইনী প্ৰক্ৰিয়াৰ পাছত এতিয়া দেশৰ সৰ্বোচ্চ ন্যায়ালয়ে কৈছে যে যাওক আপোনাৰ কাম কৰক। কিন্তু মই এই মুহূৰ্তত উপ-মুখ্যমন্ত্ৰী আৰু শিক্ষামন্ত্ৰীৰ চকীত বহিব নোৱাৰিম। চকী আৰু পদৰ লোভৰ বাবে মই ৰাজনীতিত যোগদান কৰা নাছিলোঁ।
লগতে পঢ়ক :Miscreants attack on doctor in Karimganj : চিকিৎসালয়ত কৰ্তব্যৰত চিকিৎসকৰ ওপৰত আক্ৰমণ