নিউজ ডেস্ক,২৯অক্টোবৰ : অশান্ত জৰ্জৰ মণিপুৰত সন্ত্ৰাসবাদী আৰু অবৈধ মাৰণাস্ত্ৰৰ বিৰুদ্ধে অভিযান।মণিপুৰৰ থৌবাল আৰু ইম্ফল পশ্চিম জিলাত অভিযান নিৰাপত্তা বাহিনীৰ।
থৌবাল আৰু ইম্ফল পশ্চিম জিলাত অভিযান চলাই ইউএনএলএফ আৰু পিএলএ ৰ ৮ জনকৈ সন্ত্ৰাসবাদীক গ্ৰেপ্তাৰ কৰে। গ্ৰেপ্তাৰ কৰা সন্ত্ৰাসবাদী কেইজনৰ পৰা বুজন পৰিমাণৰ অত্যাধুনিক মাৰণাস্ত্ৰ জব্দ কৰে আৰক্ষীয়ে(Manipur Police arrested 8 members of UNLF)।
থৌবাল জিলাত অভিযান চলাই আৰক্ষীয়ে ৮ জন ইউএনএলএফ আৰু ইম্ফল পশ্চিম জিলাৰ পৰা এজন পিএলএ ৰ সন্ত্ৰাসবাদীক গ্ৰেপ্তাৰ কৰিছে। ইউএনএলএফ সন্ত্ৰাসবাদী কেইজনৰ পৰা ৩টা এ কে ৪৭ ৰাইফল,২ টা এ কে ৫৬ ৰাইফল,এটা এম-১৬ ৰাইফল, এটা ৯ এম এম পিষ্টল, AK 47ৰ ১৪৭টা, এম-১৬ৰ ২০ টা আৰু ৯ এম এম ৰ ২৫টা সজীৱ গুলীসহ ১৬টা মোবাইল ফোন আৰু এখন নম্বৰ প্লেট বিহীন চাৰি চকীয়া বিলাসী বাহন জব্দ কৰে।
ধৃত সন্ত্ৰাসবাদী কেইজন ক্ৰমে লাইশ্ৰম আটাংবা মেইটেই, লেইছাংথেম নংপক মেইটেই, থোংগম খঙাকপা মেইটেই, থিয়াম নিংথৌ মেইটেই, আকোইজাম থৌপাংবা মেইটেই, থৌনাওজাম মেইটেই, নগাচেংপাম নৌংথৌবা মেইটেই, চৰখাইবাম নংবা সিং আৰু মইৰাংথেম মণিটন সিং বুলি চিনাক্ত কৰা হৈছে।
লগতে পঢ়ক :Dead body recovered : গোসাঁইগাঁৱত পানীত উপঙি থকা অৱস্থাত উদ্ধাৰ মৃতদেহ