Man detained at Delhi airport: সজীৱ গুলি সৰবৰাহৰ অপৰাধত দিল্লী বিমানবন্দৰত গ্ৰেপ্তাৰ এজন লোক
নতুন দিল্লী, ৫ জুলাই: এয়াৰ ইণ্ডিয়াৰ এখন বিমানেৰে দিল্লীৰ পৰা বেংগালুৰুলৈ যাব ওলোৱা এজন লোকক মঙলবাৰে দিল্লীৰ ইন্দিৰা গান্ধী আন্তঃৰাষ্ট্ৰীয় (Indira Gandhi International airport) বিমানবন্দৰত দিল্লী আৰক্ষীয়ে গ্ৰেপ্তাৰ কৰে । বিমানবন্দৰত লোকজনক চলোৱা তালাচীৰ সময়ত তেওঁৰ পৰা ১৯টা সজীৱ গুলি উদ্ধাৰ হোৱাৰ পিছতে দিল্লী আৰক্ষীয়ে গ্ৰেপ্তাৰ কৰে (Man detained at Delhi airport)।
দিল্লী আৰক্ষীয়ে জনোৱা মতে, এয়াৰ ইণ্ডিয়াৰ এখন বিমানেৰে দিল্লীৰ পৰা বেংগালুৰুলৈ যাত্ৰা কৰিবলৈ লোৱা অজয় কুমাৰ বানা নামৰ যাত্ৰীজনক মঙলবাৰে দিল্লী বিমানবন্দৰত ১৯টা সজীৱ গুলিসহ(Live cartridges) গ্ৰেপ্তাৰ কৰা হয় ।
দিল্লী আৰক্ষীৰ তথ্য অনুসৰি, যাত্ৰীজনে বৰ্ডিং কৰাৰ সময়ত এনে সজীৱ গুলি কঢ়িয়াই নিয়াৰ কোনো বৈধ নথি দাখিল কৰাত ব্যৰ্থ হয় ।, ইয়াৰ পিছতে তেওঁক আটক কৰা হয় যদিও পৰৱৰ্তী সময়ত এটা গোচৰ ৰুজু কৰি লোকজনক গ্ৰেপ্তাৰ কৰা হয় ।
বিমানবন্দৰৰ আৰক্ষী থানা (IGI Airport Police Station)ত অস্ত্ৰ আইনৰ সংশ্লিষ্ট ধাৰাৰ অধীনত লোকজনৰ বিৰুদ্ধে গোচৰটো ৰুজু কৰা হৈছে বুলি আৰক্ষীয়ে জানিবলৈ দিছে ।
লগতে পঢ়ক : Rajouri car Accident: জম্মু-কাশ্মীৰৰ ৰাজৌৰীত ভয়ংকৰ পথ দুৰ্ঘটনা