জামুগুৰিহাট,১৭ডিচেম্বৰ: জামুগুৰিহাটত নিশা পথাৰৰ মাজত হাতত টৰ্চ লাইট লৈ দৌৰি দৌৰি গৈছে আৰক্ষীৰ দল। পথাৰৰ মাজত দৌৰি দৌৰি বিচাৰিছে অবৈধ হাউছি খেলা জুৱাৰীক৷জামুগুৰিহাটৰ পানপুৰ চেঙেলীমৰা গাঁৱৰ দৃশ্য এয়া৷
সোমবাৰে নিশা জামুগুৰি আৰক্ষীৰ এটি দল গোপন সূত্ৰৰ খবৰৰ ভিত্তিত পানপুৰৰ এই অঞ্চলটিত উপস্থিত হৈ চলাইছিল অভিযান৷আৰক্ষী যোৱাৰ উমান পাই অবৈধ হাউছি খেলত অংশগ্ৰহণ কৰা কেবাগৰাকীও জুৱাৰীয়ে য’ৰ বস্তু ততে পেলাই, পলাই পত্ৰং দিয়ে৷মুকলি পথাৰ পাই জুৱাৰীৰ দল আন্ধাৰৰ সুযোগ লৈ দৌৰি দৌৰি পলাই সাৰিবলৈ সক্ষম হয় যদিও আৰক্ষীৰ দলটিয়েও খেদি খেদি এজনক কৰায়ত্ব কৰিবলৈ সক্ষম হয়৷অৱশ্যে বাকীসকল জুৱাৰী পলাই সাৰিবলৈ সক্ষম হয় যদিও আন এজন যুৱককো আটক কৰিবলৈ সক্ষম হয় আৰক্ষী(Jamugurihat News)৷
ইয়াৰোপৰি অবৈধ হাউছি খেলৰ নম্বৰ সম্বলিত টিকটৰ কাগজসমুহ আৰক্ষীয়ে জব্দ কৰাৰ লগতে নগদ ধন সহিতে এখন চাইকেল আৰু বাইকো জব্দ কৰে আৰক্ষীয়ে৷মনকৰিবলগীয়া যে দীৰ্ঘদিন ধৰি এই ঠাইখনত অবৈধ হাউছি খেল চলি আছিল৷ যাৰ ফলত বহু দিন হাজিৰা কৰি পৰিয়াল পোহপাল দিয়া লোক সৰ্বস্বান্ত হ’বলগা হৈ আহিছিল৷
উল্লেখ্য যে জামুগুৰিহাটত কেৱল হাউছি খেলেই নহয়,অবৈধ তীৰ খেলেও বহুতৰে সংসাৰ আৰু পৰিয়াললৈ ঘোৰ অমানিশা নমাই আনিছে৷তীৰ খেলৰ বিৰুদ্ধেও আৰক্ষীক পদক্ষেপ গ্ৰহণ কৰাৰ আহবান জনাই স্থানীয় সচেতন মহলে৷
লগতে পঢ়ক:One nation, one election: আজি লোকসভাত উত্থাপন হ’ব বহুচৰ্চিত ‘এক দেশ, এক নিৰ্বাচন’ বিধেয়ক