WATCH | Jagiroad News : জাগীৰোডৰ খুত্ৰাদলত দুই সম্প্ৰদায়ৰ মাজত সৃষ্টি হোৱা সংঘাত মষিমূৰ কৰাৰ বাবে প্ৰশাসনৰ লোক উপস্থিত হৈ শান্তি কমিটি গঠন
জাগীৰোড,৩এপ্ৰিল : চেপা উত্তেজনা আঁতৰাই জাগীৰোডৰ খুত্ৰাদলত শান্তি ঘুৰাই অনাৰ প্ৰয়াস ৷ দুই সম্প্ৰদায়ৰ মাজত সৃষ্টি হোৱা সংঘাত মষিমূৰ কৰিবলৈ মৰিগাঁও জিলা প্ৰশাসনৰ তৎপৰতা ৷
শনিবাৰে জাগীৰোডৰ খুত্ৰাদলত বিশেষ সম্প্ৰদায়ৰ লোকৰ আক্ৰমণৰ বলি হৈছিল কেইবাজনো হিন্দু লোক ৷ সাধাৰণ কথাতে দুই সম্প্ৰদায়ৰ লোকৰ মাজত সংঘটিত হৈছিল আক্ৰমণ-প্ৰত্যাক্ৰমণৰ ঘটনা ৷
ঘটনাত গুৰুতৰভাৱে আহত হৈছিল কেইবাজনো লোক ৷ ইয়াকে লৈ বিগত কেইবাদিন ধৰি অঞ্চলটোত বিৰাজ কৰিছিল চেপা উত্তেজনা ৷ অৱশেষত খুত্ৰাদল প্ৰাথমিক বিদ্যালয়ত মৰিগাঁও জিলা প্ৰশিসনে আয়োজন কৰিলে শান্তি সভাৰ ৷ জিলা প্ৰশাসন আৰু আৰক্ষী প্ৰশাসনৰ কেইবাগৰাকী বিষয়াৰ উপস্থিতিত দুয়ো সম্প্ৰদায়ৰ লোকক লৈ গঠন কৰা হয় শান্তি কমিটি ৷ অঞ্চলটোত যাতে কোনোধৰণৰ অপ্ৰীতিকৰ পৰিস্থিতিৰ সৃষ্টি নহয় তাৰ প্ৰতি লক্ষ্য ৰখাৰ লগতে শান্তি-সম্প্ৰীতি বজাই ৰাখিবলৈ সকলোকে আহ্বান জনায়(Jagiroad News)৷
লগতে পঢ়ক : WATCH | Sivsagar News : শিৱসাগৰত বিজেপি আৰু ৰাইজৰ দলৰ মাজত খণ্ডযুদ্ধ