নিউজ ডেস্ক, ১৪ছেপ্টেম্বৰ : ৰাজ্যত ক্ৰমান্বয়ে বৃদ্ধি পাইছে অপৰাধজনিত ঘটনা।মানুহ যেন সময়ৰ সোঁতত লাহে লাহে পশুলৈ ৰূপান্তৰিত হ’ব ধৰিছে। বিগত বৰ্ষত পোহৰলৈ আহিছে এটাৰ পিছত এটা হত্যাকাণ্ডৰ ঘটনা। পৰকীয়া প্ৰেমৰ বাবে ৰাজ্যত সঘনাই সৃষ্টি হোৱা হত্য়াকাণ্ডৰ ঘটনাই বাতৰিৰ শিৰোনাম দখল কৰি আহিছে । ৰাজ্যত এতিয়াই পৰকীয়া প্ৰেমক লৈ সৃষ্টি হোৱা কেতবোৰ ঘটনাই চিন্তিত কৰি তুলিছে সকলোকে । হত্য়া, হিংসা গ্ৰাস কৰাৰ সমাজত আন এক হত্যাকাণ্ডৰ ঘটনা(Jagiroad Murder Case) ।
পুনৰ পুনৰ পৰকীয়া প্ৰেম কাল হ’ল এজন লোকৰ বাবে । পৰকীয়া প্ৰেমৰ বাবে পত্নীয়ে হত্যা কৰিলে স্বামীক । জাগীৰোডত পৰকীয়া প্ৰেমৰ ভয়ংকৰ পৰিণতি ।
উল্লেখ্য় যে, বুধবাৰে জাগীৰোডত সংঘটিত হৈছে এক হত্য়াকাণ্ডৰ ঘটনা । জাগীৰোডৰ শিলভঙা অঞ্চলত প্ৰেমিকৰ সৈতে মিলি এগৰাকী বিবাহিতো মহিলা হত্যা কৰিলে স্বামীক। ভুক্তভোগী লোকজনৰ নাম আচাদুৰ ৰহমান।
জানিব পৰা মতে আচাদুৰ ৰহমানক নিচাজাতীয় দ্ৰব্য সেৱন কৰাই গাড়ীৰ ভিতৰত হত্যা কৰে পত্নীয়ে। পৰৱৰ্তী সময়ত এই হত্যাকাণ্ডক দুৰ্ঘটনাৰ ৰূপ দিবলৈ আচাদুৰৰ মৃতদেহটো পেলাই দিছিল ঘাইপথৰ কাষত।
ঘটনা সন্দৰ্ভত সবিশেষ পোহৰলৈ অহাৰ পাছতে নিশাই আৰক্ষীয়ে গ্ৰেপ্তাৰ কৰে হত্যাকাৰী ফিৰ’জা খাতুন নামৰ মহিলাগৰাকীৰ লগতে তেওঁৰ অবৈধ প্ৰেমিক ছফিকুল ইছলামক(Jagiroad Murder Case police arrested wife)। ইফালে ঘটনা সন্দৰ্ভত আৰক্ষীৰ জালত পৰিছে ৰণ্টু বৰদলৈ নামৰ গাড়ী চালক।
আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ।
লগতে পঢ়ক :Maharashtra murder case : পুনৰ লিভ-ইন পাৰ্টনাৰক হত্যা !