ইণ্টাৰনেশ্যনেল ডেস্ক, ১৮ নৱেম্বৰ : পুনৰ গাজাত উদ্ধাৰ পণবন্দীৰ মৃতদেহ । শুকুৰবাৰে ইজৰাইলৰ প্ৰতিৰক্ষা বাহিনীয়ে গাজাত উদ্ধাৰ কৰে আন এজন পণবন্দীৰ মৃতদেহ । এই কথা ঘোষণা ইজৰাইলৰ প্ৰতিৰক্ষা বাহিনীয়ে(Israel Recovers Second Body of Hostage in Two Day) ।
গাজাত দুদিনৰ ভিতৰত উদ্ধাৰ দ্বিতীয়টো মৃতদেহ ।
জানিব পৰা মতে, হামাছে অপহৰণ কৰা ১৯ বছৰীয়া ইজৰাইলী প্ৰতিৰক্ষা বাহিনীৰ জোৱান কৰ্পৰেল নোয়া মাৰ্চিয়ানোৰ মৃতদেহ আইডিএফৰ সেনাই উত্তৰ গাজাৰ শ্বিফা হাস্পতালৰ কাষ পৰা উদ্ধাৰ কৰি উলিয়াই আনে ।
উল্লেখ্য যে, মধ্য ইজৰাইলৰ মোদীইনৰ বাসিন্দা মাৰ্চিয়ানোক ৭ অক্টোবৰত কিবুটজ নাহাল অজৰ পৰা অপহৰণ কৰা হৈছিল, য’ত তেওঁ পহৰাদাৰ হিচাপে কৰ্মৰত আছিল । শুকুৰবাৰে তেওঁক সমাধিস্থ কৰা হ’ব বুলি জানিব পৰা গৈছে(Israel recovers second body of hostage in two days) ।
সোমবাৰৰ নিশা হামাছে মাৰ্চিয়ানোৰ এটা ভিডিঅ’ প্ৰকাশ কৰে যিটোক ইজৰাইল প্ৰতিৰক্ষা বাহিনীয়ে “মানসিক নিৰ্যাতন” বুলি অভিহিত কৰে । ভিডিঅ’টোত দাবী কৰা হৈছে যে হামাছৰ বিমান আক্ৰমণৰ স্থানত মাৰ্চিয়ানো নিহত হৈছে (Israel recovers second body of hostage in two days)।
ভিডিঅ’টো প্ৰত্যক্ষ কৰাৰ পিছত সামৰিক বিষয়াসকলে কয় যে মাৰ্চিয়ানোৰ আঘাত আৰু বিমান আক্ৰমণটোৰ মাজত কোনো সামঞ্জস্য নাই ।
আইডিএফে এক বিবৃতিযোগে কয়, “জোৱানগৰাকীৰ দেহত প্ৰত্যক্ষ কৰা ঘাঁবোৰ গুলীৰ আঘাতৰ সৈতে অধিক মিল থকা যেন লাগে ৷ লগতে ওখৰ পৰা পৰি যোৱাৰ সৈতেও তেওঁৰ আঘাতৰ মিল থকাৰ ইংগিত পোৱা গৈছে ।”আনহাতে, বৃহস্পতিবাৰৰ নিশা আইডিএফে য়েহুদিত ৱেইছৰ মৃতদেহ উদ্ধাৰ কৰাৰ কথা ঘোষণা কৰে । কিবুটজ বে’ৰীৰ বাসিন্দা ৬৪ বছৰীয়া ৱেইছ কৰ্কট ৰোগত আক্ৰান্ত হৈছিল । শ্বিফা হাস্পতালৰ সমীপৰ এটা অট্টালিকাত উদ্ধাৰ হয় ৱেইছ । আইডিএফে জনোৱা মতে, ৱেইছক উদ্ধাৰ কৰা অট্টালিকাটোত ৰাইফল, ৰকেট চালিত গ্ৰেনেড আৰু অন্যান্য সামৰিক সঁজুলিও উদ্ধাৰ কৰা হৈছে(Military recovers bodies of two Israeli hostages in area of Gaza’s Shifa Hospital) ।
দক্ষিণ ইজৰাইলৰ জনগোষ্ঠীসমূহৰ ওপৰত আক্ৰমণ চলাই হামাছে ১২০০ জন লোকক হত্যা কৰাৰ লগতে প্ৰায় ২৪০ জন লোকক পণবন্দী কৰিছিল । ইজৰাইলৰ প্ৰধানমন্ত্ৰী বেঞ্জামিন নেতান্যাহুৰ পত্নী ছাৰা নেতান্যাহুৱে বৃহস্পতিবাৰে আমেৰিকাৰ প্ৰথম মহিলা জিল বাইডেনক নিশ্চিত কৰে যে এগৰাকী গৰ্ভৱতী পণবন্দীয়ে বন্দী অৱস্থাত সন্তান প্ৰসৱ কৰিছে ।
লগতে পঢ়ক : 8 Injured Including Kids after truck hits pedestrians : বঙাইগাঁৱত সংঘটিত হৈছে এক ভয়ংকৰ দুৰ্ঘটনা