নিউজ ডেস্ক, ২৩ আগষ্ট : চহৰখনৰ ৰাস্তাবোৰ কমি যোৱাৰ বাবে, গুৱাহাটী স্মাৰ্ট চিটি লিমিটেডে (GSCL) প্ৰথম পৰ্যায়ত মঙলবাৰে ২০ টা স্থানত স্থাপন কৰা একত্ৰিত যান-বাহন ব্যৱস্থাপনা প্ৰণালী (traffic management systems) কাৰ্যকৰী কৰি তুলিছিল।
এটা ডিজিটেল ট্ৰেফিক পুলিচিং প্ৰণালীও কাৰ্যকৰী কৰা হৈছে আৰু যাত্ৰীসকলক যিকোনো নিয়ম উলংঘা কৰাৰ পৰা সতৰ্ক কৰি দিয়া হৈছে।
২০ টা স্থানৰ ভিতৰত আছে, পল্টনবজাৰ, নেপালী মন্দিৰ, উলুবাৰী, ভাঙ্গাঘৰ, ABC পইণ্ট, শ্ৰীনগৰ পইণ্ট, গণেশগুৰি, চুপাৰ মাৰ্কেট, ছিক্স মাইল, VIP ৰোড, খানাপাৰা ফ্লাইঅভাৰ, লাষ্ট গেট, জয়নগৰ পইণ্ট, গণেশ মন্দিৰ আৰু ৰাজধানী মছজিদ।
তদুপৰি, ট্ৰেফিক নিৰীক্ষণ কৰিবলৈ কেমেৰা আৰু চেন্সৰ স্থাপন কৰা হৈছে।
প্ৰতিবেদন অনুসৰি, প্ৰতিটো ট্ৰেফিক চিগনেলত দুটা CCTV কেমেৰা সংলগ্ন কৰা হ’ব য’ত এটা CCTV কেমেৰাই ৰাস্তাৰ দৃশ্য বন্দী কৰিব আৰু আনটোৱে বাহনৰ লাইচেঞ্চ প্লেট আৰু জেব্ৰা ক্ৰছিং নিৰীক্ষণ কৰিব।
এই CCTV কেমেৰাবোৰে ৰাস্তাত ৰঙা লাইট উলংঘন, হেলমেট পৰিধান নকৰা, ফোনত কথা পাতি থাকোতে গাড়ী চলোৱা, চিট বেল্ট নিপিন্ধা আদি ধৰা পেলাব।
চহৰখনত ইণ্টিগ্ৰেটেড ট্ৰেফিক চিষ্টেম স্থাপন ২০২৩ চনৰ আগষ্টৰ ভিতৰত সম্পূৰ্ণ হ’ব বুলি আশা কৰা হৈছে।
বিশ্বৰ আগশাৰীৰ কেমেৰা নিৰ্মাতা হানিৱেলে নিৰ্মাণ কৰা ১,০০০ ৰো অধিক কেমেৰা চহৰখনৰ ৯৫ টা ট্ৰেফিক পইণ্টত এক অভিযোজিত ট্ৰেফিক নিয়ন্ত্ৰণ প্ৰণালীৰ সৈতে স্থাপন কৰিব।