IIT Guwahati Student Apprehended for Alleged ISIS Affiliation : ISIS ৰ লগতে সম্পৰ্ক থকাৰ অভিযোগত আটক গুৱাহাটী IIT ৰ ছাত্ৰ
নিউজ ডেস্ক, ২৪মাৰ্চ : গুৱাহাটী IIT ৰ ছাত্ৰক আটক । ISIS ৰ সৈতে সম্পৰ্ক থকাৰ সন্দৰ্ভত STF য়ে আটক কৰে ছাত্ৰজনক । ছাত্ৰজন হাজোৰ দমদমাৰ পৰা আটক কৰে STF বাহিনীয়ে। STF ৰ জালত IIT গুৱাহাটীৰ ছাত্ৰ তৌছিফ আলী ফাৰুকী বুলি জানিব পৰা গৈছে(IIT Guwahati Student Apprehended for Alleged ISIS Affiliation)।
উল্লেখ্য যে, মহানগৰীৰ পাণবজাৰৰ তৌছিফ আলী ফাৰুকীয়ে দিল্লী আৰক্ষী আৰু অসম আৰক্ষীৰ শীৰ্ষ বিষয়ালৈ মেইল কৰি আৰু নিজৰ লিংকডিন পেজত শনিবাৰে দুপৰীয়া ISIS লৈ যোৱা কথা ঘোষণা কৰে । ভগৱানৰ নামত নিজৰ জীৱনতো উৎসৰ্গা কৰি ISIS ত যোগ দিয়া বুলি ঘোষণা কৰে তৌছিফ আলী ফাৰুকীয়ে । দেশৰ আগশাৰীৰ শিক্ষানুষ্ঠানৰ ছাত্ৰই দিয়া ভাৰত বিৰোধী পোষ্ট দেখা মাত্ৰকে IIT কৰ্তৃপক্ষয়ো বিচাৰি চলাথ কৰিলে তৌছিফ আলী ফাৰুকীক। কিন্তু IIT কেম্পাচৰ ভিতৰত কৰ্তৃপক্ষই বিচাৰি নাপালে তৌছিফ আলী ফাৰুকীক। তৌছিফৰ সন্ধান ওলাল হাজোৰ দমদমাত। হাতত ইছলামিক পতাকা লৈ গুৱাহাটীৰ পৰা হাজোলৈ খোজকাঢ়ি গৈ থকা তৌছিফ আলী ফাৰুকীক আৱদ্ধ কৰিলে দমদমাৰ ৰাইজে। মোবাইল কেমেৰাৰ সন্মূখতে হাতৰ পতাকাখন ISISৰ বুলি দম্ভালি মাৰিলে তৌছিফ আলী ফাৰুকীয়ে। তেতিয়াই স্থানীয় লোকে জব্দ কৰিলে তৌছিফে লগত অনা দুটাকৈ চোকা অস্ত্ৰ।
হাতত ISISৰ পতাকাৰ লগতে কঁকালৰ খোচনীত দুখন ছুৰী লৈ আন্ধাৰে মুন্ধাৰে খোজকাঢ়ি গৈ থকা যুৱকক সোধাপোছা কৰিলে ৰাইজে। সোধাপোছাত হিন্দীভাষী তৌছিফৰ ঘৰ দিল্লীৰ জামিয়ানগৰত বুলি জানিব পাৰিলে স্থানীয় লোকে। তেনেতে ঘটনাস্থলীত উপস্থিত হোৱা হাজো আৰক্ষীয়ে চমজি লৈ STFক গতাই দিলে IIT গুৱাহাটীৰ বায়’টেকন’লজীৰ ছাত্ৰ তৌছিফ আলী ফাৰুকীক।
প্ৰাপ্ত তথ্য অনুসৰি, ফাৰুকীৰ পৰা জব্দ কৰে বিভিন্ন নথি-পত্ৰ। ছাত্ৰজনে অকলে থাকিয়ে ভাল পাইছিল । কাৰো লগত কোনো সম্পৰ্ক ৰখা নাছিল তেওঁ । দিল্লীৰ বাসিন্দা তৌছিফ আলী ফাৰুকী(IIT Guwahati Student Apprehended for Alleged ISIS Affiliation) ৷
লগতে পঢ়ক : World Earth Hour Day today : আজি বিশ্বজুৰি উদযাপন কৰা হ’ব ধৰিত্ৰী ঘণ্টা