নেশ্যনেল ডেস্ক, ১০ নৱেম্বৰ : এক মৰ্মান্তিক দুৰ্ঘটনা । তীব্ৰবেগী ট্ৰাক আৰু যাত্ৰীবাহী দুখন বাছৰ মাজত সংঘৰ্ষ । দুৰ্ঘটনাৰ মৃত্যু ৬জন, আহত হয় ২৭জন ।
বৃহস্পতিবাৰে নিশা উত্তৰ প্ৰদেশৰ গোৰখপুৰ-কুশনগৰ ঘাইপথত সংঘটিত হয় এই ভয়াৱহ দুৰ্ঘটনাটো( Horrific Road Accident in Gorakhpur) ।
প্ৰাপ্ত তথ্য অনুসৰি, জগদীশপুৰৰ সমীপতে মাজ নিশা এখন তীব্ৰবেগী ট্ৰাকে পিচফালৰ পৰা দুখন বাছত খুন্দা মাৰে । ফলত ৬ জন যাত্ৰী নিহত হোৱাৰ লগতে আহত হয় ২৭ জন লোক । আহত লোকসকলক পাঁচখন এম্বুলেন্সৰ সহায়ত জিলা চিকিৎসালয় আৰু চিকিৎসা মহাবিদ্যালয়লৈ লৈ যোৱা হৈছে । বৰ্তমানো আহতসকলক জিলা চিকিৎসালয় আৰু চিকিৎসা মহাবিদ্যালয়ত চিকিৎসাধীন হৈছে(Six killed, 27 injured as speeding truck rams into bus on Gorakhpur-Kushinagar highway) ।
চিকিৎসকৰ মতে, এই দুৰ্ঘটনাৰ ফলত আহত হোৱা লোকসকলৰ অৱস্থা অতি সংকটজনক ।
ইফালে এই ভয়ংকৰ পথ দুৰ্ঘটনাৰ তথ্য লাভ কৰাৰ লগে লগে ঘটনাস্থলীত জিলা আৰক্ষী অধীক্ষকৰ লগতে অন্যান্য বিষয়াসকলো উক্ত স্থানত উপস্থিত হয় আৰু আৰম্ভ কৰে তদন্ত । লগতে জিলা চিকিৎসালয় আৰু চিকিৎসা মহাবিদ্যালয়ত চিকিৎসাধীন হৈ থকা আহত লোকসকলৰ সৈতে জিলা আৰক্ষী অধীক্ষকগৰাকীয়ে মত বিনিময় কৰে( Horrific road accident in Gorakhpur, truck hits parked bus going to Kushinagar, six killed) ৷
এই ভয়ংকৰ দুৰ্ঘটনাৰ ফলত মৃত্যু হোৱা লোকসকলৰ বৰ্তমানেও চিনাক্তকৰণ হোৱা নাই । নিহত লোকসকলক চিনাক্তকৰণৰ প্ৰক্ৰিয়া আৰম্ভ কৰিছে আৰক্ষীয়ে ।
আৰক্ষীয়ে জনোৱা অনুসৰি , গোৰখপুৰৰ পৰা পৰৌনা অভিমুখে গৈ আছিল এখন যাত্ৰী বাছ । জগদীশপুৰৰ মল্লাপুৰৰ সমীপতে এই বাছখনৰ চকা ফুটি যায় । সেয়ে চালকজনে বাছখন পথৰ কাষত ৰখাই দিয়ে । তাৰ পাচতে কণ্ডাক্টৰজনে উক্ত স্থানলৈ আন এখন বাছ মাতি দিয়ে । পৰৱৰ্তী পৰ্যায়ত গোৰখপুৰৰ পৰা অহা এখন খালী বাছত যাত্ৰীক উঠাই থকা হৈছিল তেনে সময়তে এখন তীব্ৰবেগী ট্ৰাকে পিচফালৰ পৰা বাছখনত খুন্দা মাৰে । এই সংঘৰ্ষ ইমানেই ভয়াৱহ আছিল যে থিতাতে ৬ জন লোকৰ মৃত্যু হয় ।
জানিব পৰা মতে, দুজন লোকৰ ওপৰেৰে পাৰ হৈ যায় এখন বাছৰ চকা । এই দুৰ্ঘটনাত প্ৰায় ২৭ জন লোক আহত হয় । ইয়াৰে ১২ জনৰ অৱস্থা সংকটজনক বুলি জানিব পৰা গৈছে । আৰক্ষীৰ তথ্য অনুসৰি বাছখনত ৩০ জনতকৈ অধিক যাত্ৰী আছিল ।
লগতে পঢ়ক : Guwahati Double Murder Case : জামিন লাভ কৰিলে ডাবল মাৰ্ডাৰৰ খলনায়িকা বন্দনা কলিতাই