WATCH | Himanta Biswa Sarma : যোৰহাটৰ দ্বিতীয় খন উৰণীয়া সেতু উন্মোচন মুখ্যমন্ত্ৰী হিমন্ত বিশ্ব শৰ্মাৰ
যোৰহাট,২এপ্ৰিল : যোৰহাটৰ দ্বিতীয় খন উৰণীয়া সেতু উন্মোচন মুখ্যমন্ত্ৰী ডঃ হিমন্ত বিশ্ব শৰ্মাৰ। যোৰহাট পথ যোগাযোগ উন্নয়নৰ এক ন ধাৰা বোৱাই আজি ৰাজ্যৰ মুখ্যমন্ত্ৰী ডঃ হিমন্ত বিশ্ব শৰ্মাই মুকলি কৰে যোৰহাটৰ দ্বিতীয় খন উৰণীয়া সেতু।
সেতু খন মুকলি কৰি এক বিশাল সভাত অংশগ্ৰহণ কৰে মুখ্যমন্ত্ৰী গৰাকীয়ে। মুকলি সভাত ভাষণ প্ৰদান কৰি যোৰহাটৰ উন্নয়নৰ বাবে গ্ৰহণ কৰা বিভিন্ন আঁচনি সম্পৰ্কে উল্লেখ কৰাৰ লগতে বিৰোধীক তীব্ৰ সমালোচনা কৰে মুখ্যমন্ত্ৰী গৰাকীয়ে(Himanta Biswa Sarma)।
মুখ্যমন্ত্ৰী গৰাকীয়ে কয় যে বিজেপি চৰকাৰে ৰাজ্যত এক উন্নয়নৰ ধাৰা বোৱাই আনিবলৈ সক্ষম হৈছে। যাৰ ফলত ৰাইজ বিজেপিৰ নীতি আদৰ্শৰ প্ৰতি আকৰ্ষিত হৈছে। সকলো স্তৰৰ ৰাইজৰ উন্নয়ন বিচাৰে বিজেপিয়ে। সেইবাবে ন ন আঁচনি ৰূপায়ন কৰি আহিছে। আনহাতে আজি মুখ্যমন্ত্ৰী গৰাকীয়ে যোৰহাটৰ চিনামৰাত নৱ নিৰ্মিত সন্মিলন কেন্দ্ৰৰ শুভ উদ্বোধন কৰাৰ লগতে অসম ৰাজ্যিক পৰিবহণ নিগমৰ নৱ নিৰ্মিত স্বয়ং ক্ৰীয় যান বাহন পৰীক্ষা কেন্দ্ৰৰ উদ্বোধন কৰে। আজি সকলো অনুষ্ঠানত মুখ্যমন্ত্ৰী গৰাকীক সংগ দিয়ে কেন্দ্ৰীয় মন্ত্ৰী পবিত্ৰ মাৰ্ঘেৰিটা, বিধায়ক হিতেন্দ্ৰ নাথ গোস্বামী, ৰূপজ্যোতি কুর্মী, মন্ত্রী অজন্তা নেওগ প্ৰমুখ্যে বিশিষ্ট ব্যক্তি সকলে।
লগতে পঢ়ক : WATCH | Kaliabor News : দিনৰ পোহৰতে কলিয়াবৰত স্কুটিৰ পৰা ৩ লাখ টকা লৈ উধাও চোৰৰ দলৰ