সতেজ আৰু শুকান ফলসমূহ সুস্বাস্থ্যৰ বাবে অতি উপকাৰী । বিভিন্ন ধৰণৰ পুষ্টিৰে সমৃদ্ধ এনে এবিধ উৎকৃষ্ট ফল হৈছে মধুৰিআম। মধুৰিআম হৈছে এবিধ পুষ্টিকৰ তথা স্বাস্থ্যকৰ ফল। মধুৰিআম হৈছে এক জনপ্রিয় ফল(Health Benefits of Guava)। যদিও সকলো ফলৰ স্বাস্থ্যৰ লাভালাভ আছে, মধুৰিআমৰ লাভালাভ এক সুকীয়া (Benefits Of Guava)।
শীতকালত মধুৰিআম, কমলাৰ দৰে ফলবোৰ খোৱাৰ এক সুকীয়া আনন্দ থাকে৷ মধুৰিআম এনেকুৱা এবিধ ফল য’ত কেলৰি কম আৰু আঁহ বেছি থাকে, সেয়েহে সকলো বয়সৰ লোকে ইয়াক খোৱাটো উচিত ৷ আপুনি জানেনে যে কেৱল মধুৰিআমেই নহয়, ইয়াৰ পাতো আমাৰ স্বাস্থ্যৰ বাবে অতি উপকাৰী ৷ বেছিভাগ মানুহেই এই ফলৰ পাত পেলাই দিয়ে, কিন্তু আমি আপোনালোকক জনাই দিও যে ইয়াৰ পাতে স্বাস্থ্যৰ দুগুণ উপকাৰিতা সাধন কৰিব পাৰে ৷
সেউজীয়া মধুৰিআমৰ পাত চোবাই খালে কেনেধৰণৰ স্বাস্থ্য উপকাৰিতা হয় জানো আহক(Health Benefits of Guava Leaves) ….
চৰ্দি আৰু ফ্লুৰ লক্ষণ
মধুৰিআম পাতৰ প্ৰদাহ নিবাৰণকাৰী গুণ থাকে যিয়ে আমাক চৰ্দি বা ফ্লুৰ পৰা ৰক্ষা কৰে ৷ এই গুণৰ বাবে এই পাতবোৰে শৰীৰৰ ফুলা কমোৱাৰ কাম কৰে ৷ যদি চৰ্দি বা কাহ হয় বা সঘনাই ৰোগত আক্ৰান্ত হয়, তেন্তে মধুৰিআম পাতৰ পানী খাবলৈ আৰম্ভ কৰক ৷
ডায়েবেটিছ নিয়ন্ত্ৰণ
মধুৰিআমৰ পাতত এনে যৌগ থাকে যিয়ে ৰক্ত শৰ্কৰা হ্ৰাস কৰাত ফলপ্ৰসূ ৷ এই কাৰণে ইয়াক ডায়েবেটিছ ৰোগীৰ বাবে উপকাৰী বুলি গণ্য কৰা হয় ৷ ৰক্ত শৰ্কৰাৰ পৰিমাণ নিয়ন্ত্ৰণত ৰাখিবলৈ মধুৰিআমৰ পাতৰ পৰা তৈয়াৰী চাহ খাব পাৰে ৷ খালী পেটত এই চাহ খালে একেলগে বহুতো স্বাস্থ্য উপকাৰিতা পোৱা যায় ৷
হজম শক্তি উন্নত কৰা
যদি আপুনি পেট ফুলা, বদহজম বা কোষ্ঠকাঠিন্যৰ দৰে পাচনতন্ত্ৰৰ সমস্যাত ভুগিছে, তেন্তে মধুৰিআম পাত খাব লাগে ৷ ইয়াৰ এন্টি-ইনফ্লেমেটৰী আৰু এন্টিবেক্টেৰিয়েল গুণৰ বাবে ই আমাক পাচনতন্ত্ৰৰ সমস্যাৰ পৰা ৰক্ষা কৰে ৷
ওজন হ্ৰাস কৰাত সহায় কৰে
মধুৰিআম আৰু ইয়াৰ পাত দুয়োবিধতে প্ৰচুৰ পৰিমাণে আঁহ থাকে ৷ আঁহে শৰীৰত জটিল ষ্টাৰচক চেনিলৈ ৰূপান্তৰিত নকৰে ৷ ইয়াৰ উপৰিও এই ফলৰ পাত খালে বিপাকীয় ক্ৰিয়াও বৃদ্ধি পায় ৷ যদি আপুনি ওজন কমাবলৈ লৈছে তেন্তে মধুৰিআম পাতক আপোনাৰ ৰুটিনৰ অংশ হিচাপে লওক ৷
ৰোগ প্ৰতিৰোধ ক্ষমতা বৃদ্ধি কৰিব পাৰি
মধুৰিআমৰ দৰে ইয়াৰ সেউজীয়া পাততো প্ৰচুৰ পৰিমাণে ভিটামিন চি থাকে ৷ এই ফলৰ পাত দৈনিক সঠিক পৰিমাণত চোবাই খালে ৰোগ প্ৰতিৰোধ ক্ষমতা বৃদ্ধি পাব পাৰে ৷ ইয়াৰ উপৰিও ইয়াৰ পাতত এন্টিঅক্সিডেন্ট থাকে যিয়ে আমাৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে ৷ সেয়েহে প্ৰতিদিনে পুৱা খালী পেটত মধুৰিআমৰ পাত চোবাই খাব লাগে ৷