কিচমিচ এবিধ অতি সাধাৰণ শুকান ফল, যিটো আমি প্ৰায়ে পায়স বা হালোৱাৰ দৰে ব্যঞ্জনত মিহলাই খাওঁ ৷ কিচমিচ হৈছে আঙুৰ শুকুৱাই তৈয়াৰ কৰা শুকান ফল, য’ত বহুতো পুষ্টিকৰ উপাদান থাকে আৰু স্বাস্থ্যৰ বাবে অতি উপকাৰী হ’ব পাৰে ৷ কিচমিচ হৈছে এক ফল । যি শৰীৰৰ বহুতো ৰোগ দূৰ কৰে। কিচমিচত বহুতো পুষ্টিকৰ উপাদান লুকাই থাকে।
কিচমিছৰ কেইবাটাও লাভজনক দিশ আছে(Health Benefits of Raisins)। কিচমিচত প্ৰচুৰ পৰিমাণে আইৰণ,পটাছিয়াম, কেলচিয়াম আৰু মেগনেছিয়াম থাকে। কিচমিচ আঁহৰ উত্তম উৎস।দৈনিক সীমিত পৰিমাণৰ কিচমিচ খালে বহু বেমাৰৰ পৰা ৰক্ষা পাব পাৰি।কিচমিচ দেহৰ বাবে যথেষ্ট উপকাৰী।
বিভিন্ন প্ৰকাৰৰ এণ্টিঅক্সিডেণ্টেৰে সমৃদ্ধ কিচমিচে আমাৰ শৰীৰক বহু ৰোগৰ পৰা বচাই ৰাখিব পাৰে। কেৱল কিচমিচেই নহয়, ইয়াৰ পানীকো স্বাস্থ্যৰ বাবে এক আশীৰ্বাদ বুলি গণ্য কৰা হয়।কিন্তু আপুনি বাৰু জানেনে কিচমিচৰ লগতে কিচমিচ তিয়াই থোৱা পানী খালেও আমাৰ স্বাস্থ্যৰ বাবে যথেষ্ট উপকাৰী(Health Benefits of Drinking Raisin Water) । কিচমিচ পানী খোৱাৰ লাভালাভৰ বিষয়ে আজি জানো আহক-
আজি আমি আপোনালোকক কিচমিচ কেনেকৈ খাব লাগে আৰু ইয়াৰ কি উপকাৰিতা আছে তাৰে বিষয়ে কম (Benefits of Drinking Raisin Water ) ৷
ডায়েবেটিচ নিয়ন্ত্ৰণ
কিচমিচ তিয়াই থোৱা পানী খাই আপুনি ডায়েবেটিচৰ দৰে বিপদজনক ৰোগ নিয়ন্ত্ৰণ কৰিব পাৰে।কিচমিচ তিয়াই থোৱা পানীত বহুপ্ৰকাৰৰ এণ্টিঅক্সিডেণ্ট থাকে, যিয়ে ৰক্ত শৰ্কৰা নিয়ন্ত্ৰণ কৰাত সহায় কৰে।
হজম শক্তিশালী
এই পানী খালে পাচন তন্ত্ৰও শক্তিশালী হয়। এই পানী পেটৰ বাবে অতি উপকাৰী বুলি গণ্য কৰা হয়। ইয়াত যথেষ্ট পৰিমাণে আঁহ থকাৰ বাবে ই খাদ্য খুব ভালদৰে হজম কৰে।তদুপৰি, ই পেট ফুলা, গেছ, বদহজমৰ দৰে সমস্যাৰ পৰাও আমাক সকাহ দিয়ে।
শৰীৰ ডিটক্স
কিচমিচ তিয়াই থোৱা পানীত এণ্টিঅক্সিডেণ্টৰ বহুতো যৌগ থাকে, যিয়ে শৰীৰৰ পৰা মুক্ত ৰেডিকেল আঁতৰ কৰে। দৈনিক এই পানী খালে শৰীৰত থকা বিষাক্ত পদাৰ্থবোৰ ওলাই শৰীৰটোক পৰিস্কাৰ কৰে।
ওজন হ্ৰাস
এই পানীয়ে ওজন হ্ৰাস কৰাতো সহায় কৰে। গৱেষণা অনুসৰি, কিচমিচত আহাৰৰ আঁহ আৰু প্ৰাকজৈৱিক থাকে। এই দুয়োটা উপাদানে ওজন নিয়ন্ত্ৰণ কৰাৰ লগতে পাকস্থলীত ভাল আৰু স্বাস্থ্যকৰ বেক্টেৰিয়া সৃষ্টি কৰাত সহায় কৰে।
দুৰ্বলতা দূৰ
বিশেষজ্ঞসকলৰ মতে, কিচমিচ পানী বহু পুষ্টিৰে সমৃদ্ধ। যিয়ে শৰীৰক মুক্ত ৰেডিকেলৰ পৰা সুৰক্ষিত কৰাত সহায় কৰে। ইয়াত থকা আইৰণে শৰীৰৰ দুৰ্বলতা আঁতৰ কৰে আৰু আমাক শক্তিশালী কৰি ৰাখে।
ৰোগ প্ৰতিৰোধ ক্ষমতা
কিচমিচৰ পানীয়ে ৰোগ প্ৰতিৰোধ ক্ষমতা শক্তিশালী কৰাত সহায় কৰে। ইয়াত পোৱা ভিটামিন-চিয়ে ৰোগ প্ৰতিৰোধ প্ৰণালী উন্নত কৰে। বহুতো গৱেষণাতো এয়া ইতিমধ্যে প্ৰমাণিত হৈছে।
ইয়াক কেনেদৰে গ্ৰহণ কৰিব?
ৰাতি এগিলাচ গৰম পানীত কেইটামান কিচমিচ তিয়াই থ’ব আৰু পুৱা এই পানীখিনি গৰম কৰি খাব।পুৱাই নহয়, আপুনি যিকোনো সময়তে এই পানী খাব পাৰে। অৱশ্যে, দুপৰীয়াৰ আহাৰৰ আগতে ইয়াক সেৱন কৰাটো বেছি উপকাৰী বুলি বিবেচনা কৰা হয়।
লগতে পঢ়ক : Do you have Nausea in the Morning : ৰাতিপুৱাৰ ভাগত আপোনাৰ বমি হয় নেকি ?