নিউজ ডেস্ক,১নৱেম্বৰ : হিংসা , হত্যা, ধৰ্ষণেৰে গ্ৰাস কৰিছে সমাজক। প্ৰতিদিনেই এনে খবৰেৰে ভৰি থাকে সংবাদ মাধ্যম । কোনোবাখিনিত অনুভৱ হয় দেশৰ ন্যায় ব্যৱস্থাৰ দুৰ্বলতাৰ সুযোগ গ্ৰহণ কৰিছে নেকি একাংশ অপৰাধীয়ে ।
ৰাজ্যত পুনত হত্যাকাণ্ড। হত্যা, হিংসাই এক অস্থিৰ পৰিৱেশৰ সূচনা কৰা ৰাজ্যত পুনৰ সংঘটিত হ’ল আন এক জঘণ্য হত্যাকাণ্ড।
এইবাৰ তীৰ্থনগৰীৰ হাজোত সংঘটিত হৈছে এক নৃশংস হত্যাকাণ্ড । হাজো অভয়পুৰত সংঘটিত হৈছে এই হত্যাকাণ্ডটো । অভয়পুৰৰ ৰুচি বেকাৰী নামৰ বিস্কুট ফেক্টৰীত এই ঘটনাটো সংঘটিত হয়( Hajo Murder) ।
ৰুচি বেকাৰী নামৰ বিস্কুট ফেক্টৰীত মূল কাৰিকৰক লাঠীৰে কোবাই হত্যা কৰে সহকৰ্মীয়ে । মৃত লোকজন বাক্সাৰ গেলপেঝাৰৰ ধনেশ্বৰ ডেকা বুলি চিনাক্ত কৰা হৈছে ।বৰ্তমান পলাতক অৱস্থাত আছে হত্যাকাৰী উপেন কাৰী(Hajo Murder case) ।
জানিব পৰা মতে , দুয়োজনৰ মাজত কিবা কথাত বাক বিতণ্ড হৈছিল আৰু উপেন কাৰীয়ে ধনেশ্বৰ ডেকাক লাঠীৰে কোবাই হত্য়া কৰিছিল ।
এই ভয়ংকৰ ঘটনাৰ খবৰ পোৱাৰ লগে লগে হাজো আৰক্ষী ঘটনাস্থলীত উপস্থিত হয় আৰু ঘটনা সন্দৰ্ভত ফেক্টৰীৰ স্বত্বাধিকাৰীক সোধা-পোছা কৰে ।বৰ্তমানলৈ ঘটনা সন্দৰ্ভত কোনো ধৰণৰ তথ্য লাভ কৰা নাই ।
লগতে পঢ়ক :Dead body recovered : গুৱাহাটী মহানগৰীৰ গীতা মন্দিৰৰ সমীপত উদ্ধাৰ মৃতদেহ