নিউজ ডেস্ক,২৮অক্টোবৰ :পুনৰ গুৱাহাটী মহানগৰীৰ পৰা সন্ধানহীন মহিলা ।বিগত চাৰিদিনে গুৱাহাটী মহানগৰীৰ পৰা সন্ধানহীন এগৰাকী মহিলা।সন্ধানহীন মহিলাগৰাকী জুৰি দাস বুলি জানিব পৰা গৈছে।
খবৰ অনুসৰি,চচলৰ বাসগৃহৰ পৰা ২৪ অক্টোবৰ এখন কেবেৰে দিনৰ প্ৰায় ১২-৪৪ বজাত দৌল গোবিন্দ মন্দিৰলৈ গৈছিল। চিচিটিভি ফুটেজত ধৰা পৰা মতে নীলা ৰঙৰ কেবখনেৰে মেৰুন ৰঙৰ এযোৰ চুৰিডাৰ পিন্ধি মহিলাগৰাকী গৈছিল ঘৰৰ পৰা।তাৰ পাছৰ পৰাই সন্ধানহীন হৈ থকা জুৰি দাসৰ সন্ধানত পৰিয়ালে দিশপুৰ আৰক্ষীক খবৰ দিয়ে। দিশপুৰ থানাত এই সন্দৰ্ভত এটা গোচৰ ৰুজু কৰা হৈছে(Guwahati Woman Goes Missing)।
দিশপুৰ আৰক্ষীয়ে কেবখনৰ চালকক সোধা-পোছাৰ কৰাত তেঁও জুৰি দাসক দৌল গোবিন্দ মন্দিৰত নমাই থৈ অহা বুলি আৰক্ষীক জানিবলৈ দিয়ে। তাৰ পাছত আৰক্ষীয়ে উত্তৰ গুৱাহাটী আৰক্ষী থানাক এই সন্দৰ্ভত অৱগত কৰাত উত্তৰ গুৱাহাটী আৰক্ষীয়ে দৌল গোবিন্দত থকা চিচিটিভি ফুটেজ পৰীক্ষা কৰি মহিলাগৰাকী তালৈ যোৱাতো নিশ্চিত কৰে।
বৰ্তমান আৰক্ষীয়ে ঘটনা সন্দৰ্ভত তদন্ত অব্য়াহত ৰাখিছে।