নিউজ ডেস্ক, ৭ ছেপ্টেম্বৰ : পুনৰ মানৱ সমাজক লজ্জিত কৰা ঘটনা সংঘটিত হৈছে গুৱাহাটী মহানগৰীত । এইবাৰ নিজ ককাকৰ কামনাৰ বলি হ’ল এগৰাকী ৭ বছৰীয়া নাবালিকা ।
মহানগৰীৰ পাঞ্জাবাৰীত সংঘটিত হৈছে এউ জঘন্য ঘটনাটো । বৃহস্পতিবাৰে নিশা পোহৰলৈ আহাৰ পাচতে সৃষ্টি হৈছে তীব্ৰ চাঞ্চল্যৰ । নিজ নাতিনীক যৌন নিৰ্যাতন চলোৱাৰ অভিযোগত ইতিমধ্যে সাতগাঁও আৰক্ষীয়ে আটক কৰিছে অভিযুক্ত তফিল আলী শেখ (৫৫) নামৰ লোকজক(Grandfather sexually assault 7 year old girl)।
আৰক্ষী সূত্ৰৰ পৰা লাভ কৰা তথ্য মতে, ধৃত তফিল আলী শেখে তেওঁৰ পত্নী ঘৰত নথকাৰ সুযোগ লৈ বৃহস্পতিবাৰে নিশা প্ৰায় ১০ বজাত নিজ নাতিনীক যৌন নিৰ্যাতন চলায় ৷ তাৰ পাচত ভুক্তভোগীগৰাকীয়ে কান্দি-কান্দি ওচৰ-চুবুৰীয়াৰ আগত এই কথা অৱগত কৰে ৷ তাৰ পাচত কাষৰীয়া ৰাইজে ঘটনা সন্দৰ্ভত সাতগাঁও আৰক্ষীক অৱগত কৰে ৷ এই খবৰ লাভ কৰাৰ পাচতে সাতগাঁও আৰক্ষীয়ে ঘটনাস্থলীত উপস্থিত হৈ POCSO আইনৰ অধীনত অভিযুক্তটোক আটক কৰে ৷
ইফালে স্থানীয় লোকে উল্লেখ কৰা অনুসৰি, আজিৰে পৰা কিছু বছৰৰ পূৰ্বে ভুক্তভোগী নাবালিকাগৰাকীৰ পিতৃ-মাতৃয়ে নিজ সন্তানক এৰি গৰৰ পৰা ওলাই গৈছিল ৷ তেতিয়াৰে পৰা নাবালিকাগৰাকীয়ে ককাক-আইতাকৰ সৈতে থাকিবলৈ লয় ৷ কিন্তু নাবালিকাগৰাকীৰ আইতাকে কোনো কামত গাঁৱৰ ঘৰলৈ গৈছিল ৷ তেতিয়াই সুযোগ বুলি অভিযুক্ত ককাকে নাতিনীয়েকক যৌন নিৰ্যাতন চলায় ৷
লগতে পঢ়ক : Dhing Gang Rape : অৱশেষত আৰক্ষীৰ জালত পৰিল ধিং কাণ্ডৰ দুই পলাতক অভিযুক্ত