নিউজ ডেস্ক,১৪জুলাই : এক চাঞ্চল্যকৰ ঘটনাই জোকাৰি গৈছে নলবাৰী জিলা । নলবাৰী জিলাৰ আদাবাৰী আৰক্ষী চকীৰ অন্তৰ্গত গলদীঘলাত শনিবাৰৰ পৰা নিৰুদ্দেশ এগৰাকী ১৭ বছৰীয়া কিশোৰী ।
ঘটনাৰ বিৱৰণী অনুসৰি, শনিবাৰে বিয়লি গলদীঘলা গাঁৱৰ ১৭ বছৰীয়া কিশোৰীগৰাকী বান্ধৱীৰ সৈতে ঘৰৰ পৰা ফুৰিবলৈ বুলি ওলাই গৈছিল। সন্ধিয়া অন্ধকাৰ হৈ অহাৰ পিচতো কিশোৰীগৰাকী ঘৰলৈ উভতি নহাত পৰিয়ালৰ লোকৰ মাজত হাহাকাৰ লাগে আৰু ওচৰে-পাজৰো বিচাৰ সোচৰ কৰে । ওচৰতে বিচাৰ সোচৰ কৰাত গলদীঘলাৰ কুৰুবৰী জানৰ ওপৰত থকা দলঙখনত কিশোৰীগৰাকীৰ চেন্দেলযোৰ উদ্ধাৰ কৰে।
কিশোৰীগৰাকীৰ চেন্দেলযোৰ উদ্ধাৰ হোৱাৰ পিচতে পৰিয়ালৰ মাজত হাহাকাৰ লাগে আৰু ঘটনা সন্দৰ্ভত আৰক্ষীক খবৰ দিয়ে । আৰক্ষীয়ে ঘটনা সন্দৰ্ভত খবৰ পোৱাৰ লগে লগে ঘটনাস্থলীত উপস্থিত হয় আৰু ঘটনা সন্দৰ্ভত তদন্ত আৰম্ভ কৰে(Girls body found in Nalbari) ।
ইফালে বান্ধৱীগৰাকীয়ে পৰিয়ালৰ লোকে জনোৱা অনুসৰি কিশোৰী গৰাকীয়ে দলঙৰ ওপৰৰ পৰা কুৰুবৰী জানত জাঁপ মাৰে। বান্ধৱীগৰাকীৰ ভাষ্যৰ ভিত্তিত নলবাৰী আৰক্ষীৰ শীৰ্ষ বিষয়া নিশা ঘটনাস্থলীত উপস্থিত হোৱাৰ লগতে দেওবাৰে পুৱা এন ডি আৰ এফ, এছ ডি আৰ এ অভিযান চলাই জানটোৰ পৰা উদ্ধাৰ কৰে কিশোৰীগৰাকীৰ মৃতদেহ । আনহাতে মৃতদেহটো উদ্ধাৰ কৰি মৰোণোত্তৰ পৰীক্ষাৰ বাবে সম্প্ৰতি প্ৰশাসনে নলবাৰীৰ শ্বহীদ মুকুন্দ কাকতি হাস্পতাললৈ প্ৰেৰণ কৰে ।
আনহাতে আত্মীয়ই প্ৰেমজনিত কাৰণত ঘৰৰ পৰা ওলাই আহি কিশোৰীগৰাকীয়ে এনে চৰম সিদ্ধান্ত লোৱাৰ সন্দেহ প্ৰকাশ কৰে ।