গেলেকী,২এপ্ৰিল : ঐতিহাসিক ধোদৰ আলিৰ ওপৰত থকা পকী দলঙত বিপদজনক অৱস্থা। যিকোনো মুহূৰ্তত হ’ব পাৰে ভয়ংকৰ ঘটনা।
দলং খনত হোৱা ভয়ংকৰ দ’ গাঁতে সহস্ৰাধিক ৰাইজৰ জীৱনলৈ ভাবুকি কঢ়িয়াই আনিছে ।
নাজিৰা মেজেঙ্গাস্থিত নামদাং নৈৰ ওপৰত ঐতিহাসিক ধোদৰ আলিত থকা পকী দলংত বিপদজনক অৱস্থাত আছে ভয়ংকৰ দ’ গাঁত। উন্মুক্তভাৱে ওলাই আছে লোৰ ৰড।
এই ভয়ংকৰ গাঁতটোৰ ফলত ইতিমধ্যে কেইবাটাও পথ দুৰ্ঘটনা সংঘটিত হৈছে।
এই পথেদি প্ৰতিদিনাই হাজাৰ হাজাৰ সৰু বৰ বাহন চলাচল কৰাৰ লগতে হাজাৰোধিক লোকে যাতায়াত কৰে(Gelakey News)।
এই ভয়ংকৰ দ’- গাঁতৰ সন্দৰ্ভত স্থানীয় লোকে নাজিৰাৰ গড়কাপ্তানি বিভাগক অৱগত কৰি আহিছে যদিও গা লৰাব পৰা নাই বিভাগৰ।
ৰাইজৰ জীৱনক লৈ হেতালি খেলিছে গড়কাপ্তানি বিভাগে।
এই প্ৰকাণ্ড গাতত নিশা হলেই বাহনৰ চকা পৰাৰ লগে লগে কম্পিত হৈ পৰে স্থানীয় লোক সকল।।
এই সন্দৰ্ভত তীব্ৰ প্ৰতিক্ৰিয়া প্ৰকাশ কৰিলে স্থানীয় ৰাইজে।
লগতে পঢ়ক : WATCH | Chapar News : চাপৰ আৰক্ষীৰ জালত পলাতক আব্দুল বাৰে