নিউজ ডেস্ক,৭ডিচেম্বৰ : তেলেংগানাৰ ভুদান পোচাম্পল্লী মণ্ডলৰ জালালপুৰত শোকাৱহ দুৰ্ঘটনা । শনিবাৰে পুৱতি নিশা জালালপুৰত নিয়ন্ত্ৰণ হেৰুৱাই এটা পুখুৰীত বাগৰি পৰি বাহন ৷ ফলত নিহত পাঁচজনকৈ যুৱক । আহত এজন। আহত লোকজনক সংকটজনক অৱস্থাত স্থানীয় চিকিৎসালয় লৈ প্ৰেৰণ কৰে ।
খবৰ অনুসৰি, শনিবাৰে পুৱা প্ৰায় ৪.৩০ বজাত এল বি নগৰৰ আৰ টি চি কলনিৰ বাসিন্দা যুৱককেইজনে এখন গাড়ীত হায়দৰাবাদৰ পৰা ভুদান পোচাম্পল্লী অভিমুখে গৈ আছিল। তেওঁলোকে পঞ্চমপল্লীৰ পৰা পুৱাৰ আহাৰ গ্ৰহণ কৰিবলৈ উভতি আহিছিল আৰু সেই সময়তে বাহনখনে নিয়ন্ত্ৰণ হেৰুৱাই এটা পুখুৰীত পৰে(Five killed after car plunges into a pond in Yadadri Bhuvanagiri district)।
এই ভয়ংকৰ দুৰ্ঘটনাটো সংঘটিত হোৱাৰ পিছতে চালকৰ কাষৰ আসনত বহি থকা যুৱকজনে নিজৰ জীৱন ৰক্ষা কৰাৰ বাবে গাড়ীখনৰ সন্মুখৰ আইনাখন ভাঙি কেনেবাকৈ ওলাই আহে ।তাৰ পিছত ওচৰেৰে পাৰ হৈ যোৱা এজন গাখীৰ বিক্ৰেতাক হাত দাঙি ৰখাই আৰু ঘটনা সন্দৰ্ভত জনায় । লগে লগে ঘটনা সন্দৰ্ভত আৰক্ষীক খবৰ দিয়ে(Car plunges into pond, 5 killed)।
আৰক্ষীয়ে ঘটনা সন্দৰ্ভত খবৰ লাভ কৰি ঘটনাস্থলীত উপস্থিত হয় আৰু আৰক্ষীয়ে স্থানীয় গাঁওবাসীৰ সহায়ত পানীত ডুব যোৱা বাহনখনৰ পৰা মৃতদেহকেইটা উদ্ধাৰ কৰিবলৈ সক্ষম হয় । মৃতদেহকোইটা মৰণোত্তৰ পৰীক্ষাৰ বাবে ভুৱনাগিৰি চৰকাৰী চিকিৎসালয়লৈ প্ৰেৰণ কৰে ।
ভুক্তভোগীসকলক হৰ্ষ, দিনেশ, ভামচি (চালক), বালু আৰু বিনয় বুলি চিনাক্ত কৰা হৈছে । তেওঁলোক আটাইকেইজন হায়দৰাবাদৰ এল বি নগৰৰ আৰ টি চি কলনিৰ বাসিন্দা। পাঁচগৰাকী ভুক্তভোগীৰে বয়স ২০ৰ পৰা ২১ বছৰৰ ভিতৰত।
আৰক্ষীয়ে ঘটনা সন্দৰ্ভত তদন্ত আৰম্ভ কৰিছে ।
প্ৰাপ্ত তথ্য মতে, গাড়ী চলোৱাৰ সময়ত ভাগৰ আৰু অসাৱধানতাৰ বাবেই দুৰ্ঘটনাটো সংঘটিত হয় ।
লগতে পঢ়ক :Assam four cabinet ministers take oath :হিমন্ত বিশ্ব শৰ্মা মন্ত্ৰীসভাৰ নতুন মন্ত্ৰীৰ শপত গ্ৰহণ