জামুগুৰিহাট,৬জানুৱাৰী : জামুগুৰিহাটৰ বিভিন্ন স্থানত গৰু চুৰে সন্ত্ৰাস চলাই থকাৰ সময়তে পাঁচটাকৈ গভাইট গৰু চোৰ আৰক্ষীৰ জালত পৰে ।
জামুগুৰি আৰক্ষী থানাৰ ভাৰপ্ৰাপ্ত আৰক্ষী বিষয়া হাজিৰ আলি সৰকাৰৰ নেতৃত্বত যোৱা আৰক্ষীৰ দল এটাই দেওবাৰে কৰায়ত্ব কৰিবলৈ সক্ষম হয় চোৰ কেইটাক৷
গ্ৰেপ্তাৰ কৰা চোৰকেইটা ক্ৰমে হৰিচৰণ সিং(১৯) , ৰাজা শ্বেখ(২৯) , মহম্মদ আব্দুল ৰহমান(২৭) , লোকনাথ ৰাজবংশী(২১) , আৰু সঞ্জীৱ মুণ্ডা(১৯) বুলি চিনাক্ত কৰা হৈছে । গ্ৰেপ্তাৰ কৰা চোৰকেইটাৰ চাৰিটা চোৰৰ ঘৰ চতিয়াৰ ইটাখোলাত হোৱাৰ বিপৰীতে এটাৰ ঘৰ জামুগুৰিহাটৰ হাটিঙাত(Five cattle thieves arrested in Jamugurihat)।
আৰক্ষীৰ সূত্ৰত প্ৰকাশ কৰা অনুসৰি, দীৰ্ঘদিনৰ পৰা চোৰ কেইটাই হাটিঙা অঞ্চলৰ বিভিন্ন গাঁৱত সন্ত্ৰাস চলাই আহিছিল । চোৰকেইটাই বিভিন্ন প্ৰান্তৰ গাঁও সমূহৰো কৃষক ৰাইজৰ গোহালী পৰা গৰু চুৰি কৰি নিছিল
জামুগুৰি আৰক্ষীয়ে গ্ৰেপ্তাৰ কৰা চোৰকেইটাক জেৰা অব্যাহত ৰাখিছে।
লগতে পঢ়ক :Thieves steal 5 cattle heads in Jamugurihat:জামুগুৰিহাটত চোৰে গোহালীৰ পৰা লৈ গ’ল ৫টাকৈ গৰু