নিউজ ডেস্ক,২০ছেপ্তেম্বৰ : গুৱাহাটী মহানগৰীত চাঞ্চল্যকৰ গুলীচালনাৰ ঘটনা। দিন দুপৰতে ৰাজপথতে ডকাইতে ফুটালে কেইবাজাঁই গুলী।পিষ্টল দেখুৱাই দুই ডকাইতে কাঢ়ি নিলে ধন আৰু মোবাইল।ভুক্তভোগীৰ পৰা কাঢ়ি নিব বিচাৰিছিল টমটম বাহন । টমটম বাহন নিব নোৱাৰি ৰাজপথতে ফুটালে কেইবাজাঁই গুলী(Firing in Guwahati’s Busy AT Road, Man Robbed of Cash and Mobile Phone)।
এই ঘটনা সংঘটিত হৈছে গুৱাহাটী মহানগৰৰ সদাব্যস্ত পাণবজাৰত। পাণবজাৰত শুকুৰবাৰে পুৱাতে ডকাইতৰ লক্ষ্য হৈ পৰিল ই-ৰিক্সা চালক। ই-ৰিক্সা চালকক পিষ্টল দেখুৱাই লুটপাত চলালে দুই ডকাইতে। দুই ডকাইতে লুটি নিলে নগদ ধন আৰু মোবাইল ফোন।এখন হোটেলৰ পৰা আহি ই-ৰিক্সাত উঠিছিল দুই দুৰ্বৃত্ত।
পিষ্টল দেখুৱাই প্ৰথমে ডকাইতে নিব বিচাৰিছিল ই-ৰিক্সাখন। কিন্তু, পিছলৈ স্থানীয় লোক গোট খোৱাত শূন্যলৈ গুলী ফুটাই দুই দুৰ্বৃত্তই ঘটনাস্থলীৰ পৰা পলায়ন কৰে। এই ঘটনা সন্দৰ্ভত মহানগৰ আৰক্ষীয়ে ইতিমধ্যে আৰম্ভ কৰিছে তদন্ত প্ৰক্ৰিয়া(Firing in Guwahati’s Busy AT Road)।
লগতে পঢ়ক :BJP Leader Commited Suicide:সোণাৰিত বিজেপি নেতাৰ চৰম পন্থা