নিউজ ডেস্ক,১৭জুলাই : আৰক্ষী আৰু উগ্ৰপন্থীৰ মাজত সংঘৰ্ষ। সংঘৰ্ষত নিহত ৩ মাৰ উগ্ৰপন্থী।
কাছাৰত আৰক্ষী আৰু উগ্ৰপন্থীৰ মাজত তুমুল সংঘৰ্ষ।কাছাৰৰ ভুবন পাহাৰত সংঘটিত হয় এই ভয়ংকৰ ঘটনাটো। সংঘৰ্ষত নিহত হয় তিনি উগ্ৰপন্থী সদস্য।
জানিব পৰা মতে, মঙলবাৰে বিয়লি কাছাৰৰ পূব ধলাইৰ আমৰাঘাট কৃষ্ণপুৰৰ গংগানগৰ অঞ্চলৰ পৰা তিনি মাৰ উগ্ৰপন্থীক গ্ৰেপ্তাৰ কৰিছিল আৰক্ষীয়ে। তেওঁলোকৰ পৰা জব্দ কৰা হৈছিল এটা একে-৪৭ আৰু পিষ্টল( Firing between police and extremist in cachar)।
ধৃত উগ্ৰপন্থীকেইটাক লৈ মঙলবাৰে নিশা আৰক্ষীৰ দলে অভিযানত নামিছিল । অভিযান চলোৱাৰ সময়তে আৰক্ষী আৰু উগ্ৰপন্থীৰ মাজত সংঘৰ্ষ হয়। প্ৰায় এঘণ্টা ধৰি চলা আৰক্ষী আৰু উগ্ৰপন্থীৰ গুলীয়াগুলিত তিনি উগ্ৰপন্থী নিহত হয়। নিহত উগ্ৰপন্থী তিনিটাৰ ভিতৰত দুটাৰ ঘৰ কাছাৰত আৰু এটাৰ মণিপুৰত। এই সংঘৰ্ষত আৰক্ষীও আহত হোৱা বুলি জানিব পৰা গৈছে(Firing between police and extremist)।
লগতে পঢ়ক : BSF and Mizoram Police seized 720 bottles of Codeine : মিজোৰামত জব্দ ৭২০ বটল কডেইন কফ চিৰাপৰ বটল