তিনিচুকীয়া, ২৯ জানুৱাৰী : বিধ্বংসী অগ্নিকাণ্ড । অগ্নিকাণ্ডত ফলত জুইত জাহ গ’ল ৩০খনকৈ দোকান ।
তিনিচুকীয়াত সংঘটিত হৈছে এই ভয়ংকৰ অগ্নিকাণ্ডৰ ঘটনাটো । দেওবাৰে নিশা প্ৰায় ১০ মান বজাত তিনিচুকীয়া জিলাৰ GNB ৰোডৰ নিউ মাৰ্কেটত সংঘটিত হয় ভয়ংকৰ অগ্নিকাণ্ডৰ ঘটনাটো(Fire Breaks out in Jorhat)।
স্থানীয় লোকৰ অভিযোগ অনুসৰি, এই ভয়ংকৰ অগ্নিকাণ্ডৰ ঘটনাৰ খবৰ পোৱাৰ পিছতো অগ্নিনিৰ্বাপক বাহিনী এঘণ্টা পলমকৈ ঘটনাস্থলীত উপস্থিত হয় যাৰ ফলত জুই নিমিষতে বিয়পি পৰে আৰু যথেষ্ট ক্ষয়-ক্ষতি হয়।
জানিব পৰা মতে, ঘটনাস্থলীত ঠেক পথৰ বাবে অগ্নিনিৰ্বাপক বাহিনীৰ বাহন সোমাব পৰা নাছিল। প্ৰথমে অহা দুখন বাহনৰ এখনত পানী আৰু আনখনত প্ৰেচাৰ নাছিল। অৱশেষত ১০খন অগ্নিনিৰ্বাপকৰ বাহনে জুই নিৰ্বাপিত কৰিবলৈ সক্ষম হয়।
উল্লেখ্য যে, এই অগ্নিকাণ্ডৰ ঘটনাই ইমান ভয়ংকৰ আছিল যে জুই নুমুৱাবলৈ ডিগবৈ, দুলীয়াজান, এয়াৰফ’ৰ্চৰ পৰা অগ্নিনিৰ্বাপকৰ বাহন আহিবলগা হৈছিল। এই ঘটনাত নিউ মাৰ্কেটত থকা হোমিঅ’পেথিক, প্লাষ্টিক, জোতা-চেণ্ডেলৰ গুদামত জুইত জাহ যায়। ইয়াৰোপৰিও, অগ্নিকাণ্ডত আন কেইবাখনো দোকান সম্পূৰ্ণৰূপে ভস্মীভূত হয়। নিশা সূত্ৰপাত ঘটা জুইৰ লেলিহান শিখা পুৱতি নিশালৈকে জ্বলিয়েই আছিল।
লগতে পঢ়ক : Road Accident in Jorhat : নিয়ন্ত্ৰণ হেৰুৱাই তীব্ৰবেগী বাহন সোমাল বাসগৃহত; নিহত দুজন, আহত এজন