Fire breaks out in slum area near Shahbad Dairy : বিধ্বংসী অগ্নিকাণ্ড; জুইত ভস্মীভূত ১৫০ তকৈও অধিক জুপুৰী
নেশ্য়নেল ডেস্ক, ১৯ ফেব্ৰুৱাৰী : বিধ্বংসী অগ্নিকাণ্ডৰ ঘটনা । জুইত ভস্মীভূত ১৫০ তকৈও অধিক জুপুৰী(Fire breaks out in slum area near Shahbad Dairy in Delhi) ।
দেশৰ ৰাজধানী চহৰ দিল্লীত ভয়ংকৰ অগ্নিকাণ্ডৰ ঘটনাৰ । দিল্লীৰ শ্বাহবাদ দুগ্ধপাম অঞ্চলত সংঘটিত হয় এই ভয়ংকৰ অগ্নিকাণ্ডৰ ঘটনাটো ।এই অগ্নিকাণ্ডৰ ঘটনাটো সংঘটিত হোৱাৰ পিছতে লোকসকলৰ মাজত হুলস্থূলীয়া পৰিৱেশৰ সৃষ্টি হয়(Fire breaks out in slum area near Shahbad Dairy) ।
লগে লগে ঘটনা সন্দৰ্ভত অগ্নি নিৰ্বাপক বাহিনীক খবৰ দিয়া হয় আৰু ঘটনা সন্দৰ্ভত খবৰ পোৱাৰ লগে লগে ১৫খনকৈ অগ্নি নিৰ্বাপক বাহিনী ঘটনাস্থলীত উপস্থিত হয় । অগ্নিনিৰ্বাপক বাহিনীয়ে অতি কষ্টৰে জুই নিয়ন্ত্ৰণ কৰিবলৈ সক্ষম হয় যদিও অগ্নিকাণ্ড ইমানে ভয়ংকৰ আছিল নিমিষতে জুই বিয়পি পৰে আৰু ১৫০ তকৈও অধিক জুপুৰী ভস্মীভূত হয় ।
অগ্নি নিৰ্বাপক বাহিনীৰ এগৰাকী বিষয়াই ঘটনা সন্দৰ্ভত কয় যে, শ্বাহবাদ দুগ্ধপাম অঞ্চলৰ বস্তিত জুই লগাৰ বিষয়ে এটা ফোন পোৱা গৈছিল । নিশা প্ৰায় ১০ মান বজাত জুই লাগিছিল । ইয়াৰ পিচত অগ্নি নিৰ্বাপক বাহিনীৰ ১৫ খন বাহন ঘটনাস্থলীত উপস্থিত হয় । ঘটনাটোত এতিয়ালৈকে কোনো হতাহত বা আঘাতপ্ৰাপ্ত হোৱাৰ খবৰ পোৱা হোৱা নাই । কিন্তু অগ্নিকাণ্ডৰ ফলত ১৫০ৰো অধিক জুপুৰী জ্বলি ছাৰখাৰ হৈছে । ফলস্বৰূপে অঞ্চলটোত ব্যাপক উত্তেজনা দেখিবলৈ পোৱা গৈছে(150 shanties gutted in fire at Delhi’s Shahbad Dairy area, no casualties reported) ।
ইফালে এই অগ্নিকাণ্ডৰ ফলত শ শ পৰিয়াল গৃহহীন হৈ পৰিছে । অগ্নিকাণ্ডৰ কাৰণ এতিয়াও জানিব পৰা হোৱা নাই । অনুসন্ধানৰ পিছতহে প্ৰকৃত কাৰণটো স্পষ্ট হ’ব । কিন্তু আশংকা কৰা হৈছে যে শ্বৰ্ট চাৰ্কিটৰ ফলতে এই অগ্নিকাণ্ডৰ সূত্ৰপাত হৈছিল । শেহতীয়াকৈ দিল্লীৰ আলিপুৰত অনুৰূপ ঘটনা সংঘটিত হৈছিল য’ত ১১ গৰাকী লোকে প্ৰাণ হেৰুৱাইছিল ।