Fire Breaks Out At Shaan’s Residence:বলিউডৰ জনপ্ৰিয় সংগীত শিল্পী ছানৰ মুম্বাইৰ এপাৰ্টমেণ্টত অগ্নিকাণ্ড
নিউজ ডেস্ক,২৪ডিচেম্বৰ : বলিউডৰ জনপ্ৰিয় সংগীত শিল্পী ছানৰ মুম্বাইৰ এপাৰ্টমেণ্টত অগ্নিকাণ্ড। মঙলবাৰে পুৱতি নিশা সংঘটিত হয় এই অগ্নিকাণ্ডৰ ঘটনাটো।
খবৰ অনুসৰি, মুম্বাইৰ অভিজাত বেন্দ্ৰাস্থিত ১৫ মহলীয়া এটা এপাৰ্টমেণ্টৰ ১২ মহলাত থাকে শিল্পীগৰাকী।এই এপাৰ্টমেণ্টৰে সপ্তম মহলাত সংঘটিত হয় অগ্নিকাণ্ড।মঙলবাৰে পুৱতি নিশা প্ৰায় ২ বজাত সংঘটিত হয় অগ্নিকাণ্ডৰ ঘটনাটো। ঘটনা সংঘটিত হোৱাৰ লগে লগে অগ্নি নিৰ্বাপক বাহিনীক খবৰ দিয়া হয়। অগ্নি নিৰ্বাপক বাহিনীৰ ১০ খন বাহন ঘটনাস্থলীত উপস্থিত হয় আৰু ততাতৈয়াকৈ অগ্নি নিৰ্বপান কৰে(Fire Breaks Out At Shaan’s Residence)।
এই ঘটনা সন্দৰ্ভত বলিউডৰ জনপ্ৰিয় সংগীত শিল্পী ছানে কয়, ‘’সকলোকে জনাবলৈ বিচাৰিছো আমি এতিয়া ভালে আছো। আমাৰ আৱাসগৃহৰ সপ্তম মহলাত অগ্নি কাণ্ড সংঘটিত হৈছিল। এতিয়া পৰিস্থিতি নিয়ন্ত্ৰণত আছে। আমি ঘৰলৈ উভতাৰ অপেক্ষাত আছো(Singer Shaan shares ‘horrible story’ of fire at his Mumbai residence)।‘’
বৰ্তমানলৈ জানিব পৰা হোৱা নাই অগ্নিকাণ্ডৰ কাৰণ। প্ৰাথমিক তদন্তৰ অন্তত এয়া শ্বৰ্ট চাৰ্কিটৰ ফলতে সংঘটিত হোৱা বুলি সন্দেহ কৰা হৈছে।
লগতে পঢ়ক :Dead Body Found in Moran: পুখুৰীত উৱলি যোৱা অৱস্থাত উদ্ধাৰ যুৱকৰ মৃতদেহ