ডিজিটেল ডেস্ক:-কাৰ্বি আংলং জিলাৰ হাওৰাঘাটত অগ্নিকাণ্ড।কাৰ্বি আংলং জিলাৰ হাওৰাঘাট নগৰৰ সমীপৱৰ্তী অনগাওঁ তিলাইডাঙাত সংঘটিত হয় এক ভয়ংকৰ অগ্নিকাণ্ড ।ৰাজপথত অকস্মাত জুই লাগি সম্পূৰ্ণ ভস্মীভূত হয় এখন গাড়ী ।টাটা ম’বাইল গাড়ী এখন জ্বলি শেষ হ’ল পথৰ ওপৰত ।
ভস্মীভূত হোৱা গাড়ীখনৰ নম্বৰ AS-01-EC-4302।অত্যাধিক পৰিমাণে খেৰৰ বোজা কঢ়িয়াই অনা গাড়ী খনৰ সংস্পৰ্শ হয় পথৰ ওপৰত লাগি থকা এডাল বৈদ্যুতিক তাৰৰ সৈতে । ফলত বিদ্যুৎ স্পাৰ্ক হয় আৰু নিমিষতে জ্বলি উঠে গাড়ীখন ।অৱশেষত হাওৰাঘাটৰ অগ্নিনিৰ্বাপক বাহিনীৰ বাহন উপস্থিত হৈ জুই নুমোৱাবলৈ সক্ষম হয় ।
