নেশ্যনেল ডেস্ক, ২১ ফেব্ৰুৱাৰী : ভাৰতত কৃষক আন্দোলনৰ যুদ্ধংদেহী ৰূপ। টিক্ৰী সীমান্তত কটকটীয়া নিৰাপত্তা ব্যৱস্থা। বিদ্ৰোহী কৃষকৰ দাবী মানি নল’লে আন্দোলন আৰু ভয়ংকৰ হোৱাৰ হুংকাৰ(Farmers’ protest)।
কৃষকসকলে কেন্দ্ৰৰ প্ৰস্তাৱ মানি ল’বলৈ অস্বীকাৰ কৰি আজি পুৱা ১১ বজাত দিল্লীলৈ সমদল উলিয়াব। ইয়াৰ বাবে তেওঁলোকে হাইড্ৰলিক ক্ৰেন, জেচিবি আৰু বুলেটপ্ৰুফ পকলেনৰ দৰে গধুৰ যন্ত্ৰপাতি শম্ভু সীমান্তলৈ আনিছে। লগতে কন্দুৱা গেছৰ খোলাৰ পৰা ৰক্ষা পাবলৈ বৃহৎ সংখ্যক মাস্কৰ ব্যৱস্থা কৰিছে। মন কৰিবলগীয়া যে, ১৩ ফেব্ৰুৱাৰীৰ পৰা হাজাৰ হাজাৰ কৃষকে দিল্লী অভিমুখে পদযাত্ৰা আৰম্ভ কৰে যদিও নিৰাপত্তাৰক্ষীৰ সৈতে সংঘৰ্ষত লিপ্ত হোৱাৰ পিছত তেওঁলোক পঞ্জাৱ-হাৰিয়ানাৰ সীমান্তৰ শম্ভু আৰু খানৌৰী সীমান্তত কেম্পিং কৰি আছে(Farmers Armed With Gas Masks, Gloves, Safety Suit As They Resume March To Delhi)।
চৰকাৰৰ সৈতে হোৱা আলোচনাত কেন্দ্ৰৰ প্ৰস্তাৱত সন্তুষ্ট নহৈ বুধবাৰে, ২১ ফেব্ৰুৱাৰীত দিল্লীলৈ পদযাত্ৰাৰ বাবে শম্ভু সীমান্তত কৃষকসকলে প্ৰস্তুতি সম্পূৰ্ণ কৰিছে। পঞ্জাৱৰ যুৱ কৃষকসকলে মঙলবাৰে জেচিবি আৰু পোকলানে মেচিন লৈ আহিছে। ট্ৰেক্টৰ মাৰ্চৰ মাজতে এই মেচিনবোৰ আনিছিল, যাতে তেওঁলোকক বাটত কোনেও ৰখাব নোৱাৰে।
কেন্দ্ৰই অনুমান কৰিছে যে পঞ্জাৱ-হাৰিয়ানা সীমান্তত ১২০০খন ট্ৰেক্টৰ-ট্ৰলী, ৩০০ গাড়ী, ১০খন মিনি বাছৰ লগতে প্ৰায় ১৪ হাজাৰ লোক সমবেত হৈ পঞ্জাৱ-হাৰিয়ানা সীমান্তত তীব্ৰ প্ৰতিবাদ কৰিছে। কেন্দ্ৰীয় গৃহ মন্ত্ৰালয়ে পঞ্জাৱ চৰকাৰলৈ প্ৰেৰণ কৰা এখন পত্ৰত উল্লেখ কৰে যে যোৱা কেইদিনমানৰ পৰা ৰাজ্যখনৰ আইন-শৃংখলা পৰিস্থিতিৰ অৱনতি ঘটাটো এক চিন্তনীয় বিষয় আৰু আইন ভংগ কৰাসকলৰ বিৰুদ্ধে কঠোৰ ব্যৱস্থা ল’বলৈ অনুৰোধ জনাইছে। একে সময়তে পঞ্জাৱ-হাৰিয়ানা উচ্চ ন্যায়ালয়ে কৃষকৰ পদযাত্ৰা বন্ধ কৰাৰ নিৰ্দেশ দিছে(Armed with gas masks, JCBs, bulldozers, protestors plan Shambhu border breach)।
কৃষক নেতাসকলে বুধবাৰে ১১ বজালৈকে চৰকাৰক সময় দিছে, তেতিয়ালৈকে বিষয়টো সমাধান নহ’লে কৃষকসকলে দিল্লীলৈ পদযাত্ৰা কৰিব বুলিও জাননী দিয়ে। দিল্লী পদযাত্ৰাৰ বাবে যুৱক-যুৱতীসকলৰ মাজত উৎসাহ দেখা পোৱা গৈছে। কৃষকসকলে শম্ভু সীমান্তত বেৰিকেড পাৰ কৰি যাত্ৰা কৰাৰ পৰিকল্পনা কৰিছে। কৃষকসকলে মেচিন লৈ আহিছে আৰু আৰক্ষীৰ গুলী আৰু কন্দুৱা গেছৰ খোলাৰ তেওঁলোকৰ ওপৰত যাতে কোনো প্ৰভাৱ নপৰে তাৰ বাবে ব্যৱস্থাও কৰিছে। কৃপ্ৰাপ্ত হৈছে। ইফালে, কৃষকৰ প্ৰস্তুতি বিফল কৰিবলৈ নিশা আৰক্ষী বিষয়াৰ এখন সভা আহ্বান কৰা হৈছে।
লগতে পঢ়ক : Lakhisarai Road Accident : তীব্ৰবেগী ট্ৰাকৰ খুন্দা যাত্ৰীবাহী অটোত;থিতাতে নিহত ৯ জন, আহত ৬জন