নিউজ ডেস্ক,৮আগষ্ট : পুনৰ ডকাইতলৈ লক্ষ্য কৰি আৰক্ষীৰ গুলীচালনা । এইবাৰ গোৱালপাৰাৰ লক্ষীপুৰত সংঘটিত হৈছে গুলীচালনাৰ ঘটনা।
জানিব পৰা মতে, অপৰাধীয়ে আৰক্ষীৰ জিম্মাৰ পৰা পলায়নৰ চেষ্টা কৰোঁতে গুলীচালনা কৰে । আৰক্ষীৰ গুলীত ভৰিত গুলী লাগে নুৰক গোৱালপাৰা নামৰ ডকাইতটোৰ ।
উল্লেখ্য যে, যোৱা ৩১ জুলাইৰ নিশা সংঘটিত হোৱা এক ডকাইতি কাণ্ডৰে জড়িত থকাৰ অভিযোগত বুধবাৰে লক্ষীপুৰ আৰক্ষীয়ে কৰায়ত্ত কৰিছিল দুজনক। ধৃত দুই ডকাইত লক্ষীপুৰৰ নিদানপুৰৰ ময়নাল হক চৌধৰীৰ পুত্র জাহিদুল আকতাৰ চৌধৰী আৰু চুপাৰীভিটাৰ লালচান আলীৰ পুত্র নুৰ আলম। অভিযোগ অনুসৰি এই দুই ডকাইতে লুটি নিছিল ধন-সোণসহ মোবাইল ফোন(Encounter in Goalpara)।
বুধবাৰে নিশা আৰক্ষীয়ে ডকাইতে গৃহস্থৰ পৰা লৈ যোৱা মোবাইল ফোনটো উদ্ধাৰ বাবে বৰদল নাম এখন ঠাইলৈ লৈ গৈছিল। আৰক্ষীৰ ভাষ্য অনুসৰি তাৰ পৰাই সুযোগ বুজি পলায়নৰ চেষ্টা কৰিছিল নুৰ আলম আলী নামৰ ডকাইতটো।
ফলত উপায়ন্তৰ হৈ আৰক্ষীয়ে নুৰ আলমৰ ভৰিত গুলীয়াবলৈ বাধ্য হয়। আৰক্ষীৰ গুলীত গুলীবিদ্ধ নুৰ আলমক নিশাই ভৰ্তি কৰোৱা হয় গোৱালপাৰা অসমাৰিক চিকিৎসালয়ত। বৰ্তমান চিকিৎসালয়তে আছে গুলীবিদ্ধ এই ডকাইতটো।
লগতে পঢ়ক :Mirabai Chanu finishes heartbreaking fourth : পেৰিছ অলিম্পিকত পদক অৰ্জন কৰাত ব্যৰ্থ মীৰাবাঈ চানু