নিউজ ডেস্ক,২৬মাৰ্চ : ৰাজ্যত অব্যাহত আছে নিচাজাতীয় সামগ্ৰীৰ সৰবৰাহ । হিমন্ত বিশ্ব শৰ্মাৰ চৰকাৰখনে শাসনলৈ আহিয়েই ড্ৰাগছ আৰু নিচাজাতীয় সামগ্ৰীৰ সৰবৰাহকাৰীৰ বিৰুদ্ধে যি হুংকাৰ দিছিল তাক ওফৰাই এতিয়াও ড্ৰাগছৰ ব্যৱসায় অব্যাহত ৰাখিছে একাংশ দুষ্টচক্ৰই(Drugs Peddler Arrested) ।
ৰাজ্যৰ বিভিন্ন প্ৰান্তত এতিয়াও অব্যাহত আছে ড্ৰাগছৰ ৰমৰমীয়া ব্যৱসায়(Drugs Peddler Arrested) ।
আনহাতে ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ ।
একাংশ দুষ্ট চক্ৰই কৰি আছে ইয়াৰ সৰবৰাহ । ড্ৰাগছৰ লগতে একাংশ দুষ্ট চক্ৰই সৰবৰাহ কৰি আছে নিচাজাতীয় সামগ্ৰীৰ । চৰকাৰে যি নিচামুক্ত অসম গঢ়াৰ কথা কৈছিল তাক যেন উফৰাই পেলাইছে একাংশই ।
ৰাজ্যৰ অন্য প্ৰান্তৰ সমান্তৰালকৈ ডিব্ৰুগড়তো চলি আছে ড্ৰাগছৰ ৰমৰমীয়া বেহা । ডিব্ৰুগড় আৰক্ষীয়ে ড্ৰাগছৰ বিৰুদ্ধে তীব্ৰ অভিযান চলাই থকাৰ পাচতো জিলাখনত ড্ৰাগছ সৰবৰাহ বন্ধ হোৱা নাই । জিলাখনৰ বিভিন্ন এলেকাত প্ৰতিদিনে উদ্ধাৰ হৈ আছে ড্ৰাগছ ৷ আবিৰৰ ৰঙত ডুব গৈ থকাৰ সময়তে সোমবাৰে দুলীয়াজান আৰু নাওহলীয়া আৰক্ষীয়ে ড্ৰাগছৰ বিৰুদ্ধে তীব্ৰ অভিযান চলায় ।
এই অভিযানত আৰক্ষীয়ে নগদ ধন আৰু বিলাসী বাহনসহ আটক কৰে দুই সৰবৰাহকাৰীক । মধুটিং 7 নং নম্বৰ লাইনৰ পৰা আটক কৰে সৰবৰাকাৰী দুজন । আটকাধীন ড্ৰাগছ সৰবৰাহকাৰী দুজন ক্ৰমে সঞ্জু লিম্বু আৰু অৰব গগৈ বুলি সদৰী কৰিছে আৰক্ষীয়ে(Drugs Seized In Duliajan) ।
তথ্য অনুসৰি, দুলীয়াজান আৰু নাওহলীয়া আৰক্ষীৰ যুটীয়া অভিযানত দুই ড্ৰাগছ বেপাৰীৰ পৰা ০.৬৬ গ্ৰাম ড্ৰাগছ, নগদ ১৭,৫০০ টকা আৰু এখন AS06AH 7229 নম্বৰৰ বিলাসী বাহন জব্দ কৰিবলৈ সক্ষম হৈছে ।