Drugs peddler arrested along with drug :চাৰিদুৱাৰ আৰক্ষীয়ে বুজন পৰিমাণৰ হে’ৰইনসহ আটক কৰে দুই সৰবৰাহকাৰীক
নিউজ ডেস্ক,১৯ডিচেম্বৰ : ৰাজ্যত অব্যাহত আছে ড্ৰাগছৰ ৰমৰমীয়া ব্যৱসায়। ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ(Drugs peddler arrested along with drugs)।
ইয়াৰ সমান্তৰালকৈ আৰক্ষীয়ে চলাই আছে অভিযান।ৰাজ্যৰ ভিন্ন প্ৰান্তৰ সমান্তৰালৈ জামুগুৰিহাটৰ চলি আছে আৰক্ষীৰ অভিযান ।
বুধবাৰে নিশা চাৰিদুৱাৰ আৰক্ষীয়ে এক গোপন সূত্ৰৰ পম খেদি অভিযান চলাই । অভিযানত বুজন পৰিমাণৰ হে’ৰইনসহ দুজন সৰবৰাহকাৰীক আটক কৰিবলৈ সক্ষম হয়।
AS -32- B- 7900 নম্বৰৰ এখন বাইকেৰে খনামুখৰ পৰা অৰুণাচল প্ৰদেশলৈ হেৰ’ইনখিনি সৰবৰাহ কৰি নি থকাৰ সময়তে আৰক্ষীয়ে আটক কৰে বাইকসহ দুই যুৱকক। আটকাধীন যুৱক দুজনৰ নাম ৰবি লামা আৰু মাইকেল পি.জি বুলি জানিব পৰা গৈছে। জব্দকৃত হে’ৰইন খিনিৰ মূল্য প্ৰায় ৩০ লক্ষাধিক টকা হ’ব বুলি আৰক্ষী সূত্ৰে প্ৰকাশ কৰে। সম্প্ৰতি আৰক্ষীয়ে দুই অভিযুক্তৰ বিৰুদ্ধে গোচৰ পঞ্জীয়ন কৰি জেল হাজোতলৈ প্ৰেৰণৰ ব্যৱস্থা কৰিছে ৷
লগতে পঢ়ক :Congress Member Mridul Islam :কংগ্ৰেছ নেতা মৃদুল ইছলামৰ জানাজা সম্পন্ন