নিউজ ডেস্ক, ১৭ ফেব্ৰুৱাৰী : ৰাজ্যত অব্যাহত আছে নিচাজাতীয় সামগ্ৰীৰ সৰবৰাহ । হিমন্ত বিশ্ব শৰ্মাৰ চৰকাৰখনে শাসনলৈ আহিয়েই ড্ৰাগছ আৰু নিচাজাতীয় সামগ্ৰীৰ সৰবৰাহকাৰীৰ বিৰুদ্ধে যি হুংকাৰ দিছিল তাক ওফৰাই এতিয়াও ড্ৰাগছৰ ব্যৱসায় অব্যাহত ৰাখিছে একাংশ দুষ্টচক্ৰই(Drugs Peddler Arrested) ।
ৰাজ্যৰ বিভিন্ন প্ৰান্তত এতিয়াও অব্যাহত আছে ড্ৰাগছৰ ৰমৰমীয়া ব্যৱসায়(Drugs Peddler Arrested) ।
আনহাতে ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ ।
একাংশ দুষ্ট চক্ৰই কৰি আছে ইয়াৰ সৰবৰাহ । ড্ৰাগছৰ লগতে একাংশ দুষ্ট চক্ৰই সৰবৰাহ কৰি আছে নিচাজাতীয় সামগ্ৰীৰ । চৰকাৰে যি নিচামুক্ত অসম গঢ়াৰ কথা কৈছিল তাক যেন উফৰাই পেলাইছে একাংশই ।
ৰাজ্যৰ বিভিন্ন প্ৰান্তৰ লগতে শুকুৰবাৰে নিশা চাপৰত আৰক্ষীয়ে অভিযান চলাই । অভিযানত ৰহাৰ চাপৰমুখত জব্দ বুজন পৰামাণৰ ড্ৰাগছ।
উল্লেখ্য যে, শুকুৰবাৰে নিশা চাপৰমুখ আৰক্ষীয়ে গোপন সুত্ৰৰ ভিত্তিত চাপৰত অভিযান চলাই, অভিযানত ১০টা চাবোনৰ বাকচভৰ্তি হেৰ’ইনসহ তিনিটা ড্ৰাগছ সৰবৰাহকাৰীক আটক কৰে। আটকাধীন তিনি ড্ৰাগছ সৰবৰাহকাৰী জৰীনা খাতুন, নিজাম উদ্দিন আৰু বাহাৰুল ইছলাম বুলি চিনাক্ত কৰা হৈছে । আটকাধীন লোককেইজনৰ ঘৰ নগাঁৱৰ ৰূপহীত।
জানিব পৰা মতে, ড্ৰাগছ সৰবৰাহকাৰী কেইটাই শিলচৰৰ পৰা ৰে’লৰে ড্ৰাগছখিনি সৰবৰাহ কৰিছিল আৰু চাপৰমুখ ৰে’ল জংচনত নামি এখন অ’ট’ৰে যাবলৈ লওঁতেই চাপৰমুখ আৰক্ষী চকীৰ আৰক্ষীয়ে আটাইকেইটা সৰবৰাহকাৰীক হাতে লুটে ধৰিবলৈ সক্ষম হয়।