নিউজ ডেস্ক,৮আগষ্ট : ৰাজ্যৰ বিভিন্ন প্ৰান্তত অব্যাহত আছে ড্ৰাগছৰ ৰমৰমীয়া ব্যৱসায়।আনহাতে ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ।
ৰাজ্যজুৰি প্ৰতিদিনেই ড্ৰাগছ বিৰোধী অভিযান অব্যাহত থকাৰ পিচতো গা ল’ৰা নাই একাংশ সৰবৰাহকাৰীৰ ৷অসম আৰক্ষীৰ অভিযানৰ মাজতে বটদ্ৰৱা আৰক্ষীয়ে আটক কৰিবলৈ সক্ষম হৈছে এটা ড্ৰাগছ সৰবৰাহকাৰীক(Drugs peddler arrested)।
আটকাধীন ড্ৰাগছ সৰবৰাহকাৰীটোৰ পৰা আৰক্ষীয়ে জব্দ কৰিছে চাবোনৰ বাকচ আৰু চাধা টেমা ভৰ্তি ড্ৰাগছ আৰু নগদ ধন। আৰক্ষীয়ে আটক কৰা ড্ৰাগছ সৰবৰাহকাৰীটোৰ নাম আবুল কাছেম।
ধৃত আবুল কাছেমৰ ঘৰ বটদ্ৰৱা থানাৰ অন্তৰ্গত ধনীয়া ভেঁটি চৌৰাপাৰাত। জানিব পৰা মতে বটদ্ৰবা আৰক্ষীয়ে এক গোপন সূত্ৰৰ পম খেদি কাছেমক ড্ৰাগছৰ সৈতে আটক কৰিবলৈ সক্ষম হয়। অভিযোগ অনুসৰি দীৰ্ঘদিনৰ পৰাই ড্ৰাগছ সৰবৰাহৰ সৈতে জড়িত আছিল কাছেম।