গেলেকী,৩এপ্ৰিল : সমাগত পঞ্চায়ত নিৰ্বাচনত বিপাঙত পৰিব পাৰে শাসক-বিৰোধী । এখন গাওঁৰ ৰাইজে লৈছে বিশেষ সিদ্ধান্ত ।
বিশুদ্ধ খোৱা পানীৰ ব্যৱস্থা নকৰিলে ভোট বিচাৰি নাহিবলৈ হুংকাৰ ৰাইজৰ ।
শিৱসাগৰ জিলাৰ পুৰণি আমগুৰি সমষ্টি আৰু বৰ্তমান নাজিৰা সমষ্টিৰ অন্তৰ্গত নামতি দ’ল গাওঁ পঞ্চায়তৰ অন্তৰ্গত দুলীয়া নতুন লোণপূৰীয়া পানী যোগান আঁচনিৰ ৰাইজৰ ক্ষোভ দেখিবলৈ পোৱা গৈছে ।
সমাগত পঞ্চায়ত নিৰ্বাচন বৰ্জনৰ হুংকাৰৰ লগতে ৰাজনৈতিক নেতাৰ প্ৰৱেশত বাধা দিয়াৰ হুংকাৰ ৰাইজৰ(Drinking Water Issue)।
বিশুদ্ধ খোৱা পানীৰ পৰা বছৰ বছৰ ধৰি বঞ্চিত পঞ্চায়তখনৰ ৮ নং ৱাৰ্ডৰ ৰাইজ । লেতেৰা পানী খাই বেমাৰত পৰা বুলি অভিযোগ স্থানীয় ৰাইজৰ ।
পানী যোগান আঁচনিৰ সম্মুখত মুখ্যমন্ত্ৰী মুৰ্ৰাবাদ , প্ৰদীপ হাজৰিকা গ’ বেগ , জনস্বাস্থ্য কাৰিকৰী বিভাগ হায় হায় ইত্যাদি শ্ল’গান দিয়া দেখা গৈছে ।।
কেন্দ্ৰীয় চৰকাৰৰ অভিলাষী আঁচনি জল জীৱন মিচন আঁচনিৰ পৰা বঞ্চিত এই গাঁৱৰ লোকসকল ।
যাৰ বাবে ক্ষুব্ধ ৰাইজে তলা ওলমালে পানী যোগান আঁচনিত ।
বিভাগক লিখিত অভিযোগ দিয়াৰ পিছতো কোনো ধৰণৰ সুফল নোপোৱাৰ অভিযোগ ।
পঞ্চায়ত নিৰ্বাচনৰ পূৰ্বে খোৱা পানী সমস্যাৰ সমাধান নকৰিলে নিৰ্বাচন বৰ্জন কৰাৰ লগতে জনপ্ৰতিনিধি প্ৰৱেশত বাধা দিয়াৰ হুংকাৰ নতুন লোণপূৰীয়া গাঁওৰ ৰাইজৰ ।