Donald Trump attack :আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পলৈ গুলীচালনা; দুৰ্বৃত্তৰ গুলীত আঘাতপ্ৰাপ্ত প্ৰাক্তন ৰাষ্ট্ৰপতিগৰাকী
ইণ্টাৰনেশ্যনেল ডেস্ক,১৪জুলাই : আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পলৈ গুলীচালনা। কথমপি প্ৰাণ ৰক্ষা প্ৰাক্তন মাৰ্কিন ৰাষ্ট্ৰপতি ড’নাল্ড ট্ৰাম্পৰ।আমেৰিকাৰ পেনচিলভেনিয়াত এখন নিৰ্বাচনী সভাত শনিবাৰে ট্ৰাম্পলৈ লক্ষ্য কৰি দুৰ্বৃত্তই গুলীচালনা কৰে। এই গুলীচালনাত ট্ৰাম্পৰ সোঁ কাণত গুলী লাগে আৰু তেওঁ মঞ্চতে বাগৰি পৰে। ঘটনা সংঘটিত হোৱাৰ পিছতে আমেৰিকান ছিক্ৰেট চাৰ্ভিচৰ নিৰাপত্তাৰক্ষীসকলে লগে লগে কাৰ্য্যত নামিলে আৰু খৰখেদাকৈ ট্ৰাম্পক মঞ্চৰ পৰা নমাই আনিলে। ইয়াৰ সময়ত ট্ৰাম্পৰ কাণ আৰু মুখত তেজৰ চেঁকুৰা দেখা যায়(Donald Trump rally shooting live)।
লগে লগে ছিক্ৰেট এজেণ্টে ট্ৰাম্পক চিকিৎসালয়লৈ লৈ যায়, য’ত তেওঁ বিপদমুক্ত বুলি কোৱা হয়। ট্ৰাম্পৰ মুখপাত্ৰ ষ্টিভেন চেউঙে এক বিবৃতিত কয় যে ট্ৰাম্প বৰ্তমান সুস্থ আছে আৰু ওচৰৰ চিকিৎসালয়ত তেওঁৰ স্বাস্থ্য পৰীক্ষা চলি আছে(Donald Trump attack)।
ছিক্ৰেট চাৰ্ভিচে জনোৱা মতে, এই আক্ৰমণত ট্ৰাম্পৰ ৰেলীত অংশগ্ৰহণ কৰা এজন ব্যক্তিৰ মৃত্যু হোৱাৰ বিপৰীতে আন দুজন গুৰুতৰভাৱে আহত হয়। গোপন এজেণ্টৰ মতে, তেওঁ সন্দেহযুক্ত আক্ৰমণকাৰীক গুলীয়াই হত্যা কৰে।
লগতে পঢ়ক : Child death in Karimganj : শোকাৱহ ঘটনা;পানীত পৰি সলিল সমাধি এটি কণমানিৰ