কুকুৰে কামোৰাৰ লগে লগে ঘাঁটো যিমানেই সৰু যেন নালাগক কিয়, কিন্তু ইয়াৰ ফলত গুৰুতৰ সংক্ৰমণৰ সম্ভাৱনাও বৃদ্ধি পোৱাৰো আশংকা থাকে, আনকি ই মাৰাত্মক বুলিও প্ৰমাণিত হ’ব পাৰে ৷
সেয়ে ঘৰলৈ অহাৰ পিছত ঘাঁটো চাবোনেৰে ধুই কুহুমীয়া পানীত ৫ৰ পৰা ১০ মিনিট ৰাখিব লাগে ৷ তাৰ পিছত শুকুৱাই লওক ৷
ৰক্তক্ষৰণ হ’লে পৰিষ্কাৰ কাপোৰেৰে ঘাঁটো হেঁচা মাৰি ধৰিলে ৰক্তক্ষৰণ বন্ধ হয়(Dog Bite)৷
ডেটল বা ছাভলনৰ দৰে এন্টিচেপ্টিক দ্ৰৱণেৰে ঘাঁ ভালদৰে পৰিষ্কাৰ কৰক আৰু তাৰ পিছত ঘৰত থাকিলে বিটাডিন মলম প্ৰয়োগ কৰক ৷
ইয়াৰ পিছত ঘাঁটো পৰিষ্কাৰ বেণ্ডেজেৰে বান্ধি লওক ৷
এতিয়া চিকিৎসকৰ ওচৰলৈ যাওক যাতে তেওঁ আপোনাৰ ঘাঁটো চাব পাৰে আৰু তাৰ সঠিক চিকিৎসাৰ পৰামৰ্শ দিব পাৰে ৷
ডাক্তৰে আপোনাক টিটেনাছ আৰু ৰেবিজৰ টিকা দিব ৷ ৰেবিজৰ সকলো ড’জ ল’বলৈ নাপাহৰিব নহ’লে ৰেবিজৰ আশংকা থাকিব ৷
ঘাঁৰ গভীৰতাৰ ওপৰত নিৰ্ভৰ কৰি আপোনাৰ চিকিৎসকে ঘাঁৰ বাবে এন্টিবায়টিকো দিব পাৰে ৷
কুকুৰে কামুৰিলে ঘাঁৰ পৰা প্ৰায়ে পূজ ওলায়, গতিকে ভালদৰে পৰিষ্কাৰ কৰক ৷
যদি ঘাঁটো গভীৰ হয় তেন্তে দিনটোত কমেও দুবাৰকৈ ঘাঁটো ড্ৰেছিং কৰাটো প্ৰয়োজনীয় ৷
ঘাঁত যাতে কোনো ধৰণৰ সংক্ৰমণ নহয় তাৰ প্ৰতি লক্ষ্য ৰাখিব ৷ যদি ৰক্তক্ষৰণ বন্ধ নহয়, পূজৰ লগতে ৰঙা পৰা আৰু ফুলি উঠে, বিষ বাঢ়ে আৰু জ্বৰ বাঢ়ে, তাৰ পিছত লগে লগে চিকিৎসকৰ সৈতে যোগাযোগ কৰক ৷