লখিমপুৰ, ৭অক্টোবৰ : লখিমপুৰত বিধ্বংসী অগ্নিকাণ্ড । লখিমপুৰ নগৰৰ মাজ মজিয়াত অগ্নিকাণ্ড । শুকুৰবাৰে নিশা সংঘটিত হয় এই অগ্নিকাণ্ডৰ ঘটনাটো । লখিমপুৰ নগৰৰ সোঁ মাজৰ লখিমী চাৰিআলিৰ গেলামাল দোকানত সংঘটিত হয় অগ্নিকাণ্ডৰ ঘটনাটো ফলত ১০লাখ টকাৰ সামাগ্ৰী অগ্নিকাণ্ডটোত নিঃশেষ হৈ পৰে(Fire break out)।
উল্লেখ্য যে, লখিমপুৰ নগৰৰ সোঁ মাজৰ লখিমী চাৰিআলিৰ কাষত সংঘটিত হয় অগ্নিকাণ্ড। বৈদ্যুতিক শ্বৰ্ট চাৰ্কিটৰ ফলত সংঘটিত হয় এই ভয়ংকৰ অগ্নিকাণ্ডটো। এই অগ্নিকাণ্ডৰ ফলত প্ৰায় দহ লাখ টকাৰ সামগ্ৰী জাহ যায় । বালাজী ষ্টোৰ নামৰ চিপচ, চকলেট আদি সামগ্ৰীৰ দোকানখনত সংঘটিত হয় অগ্নিকাণ্ডটো(devastating fire at Lakhimpur) ।
জানিব পৰা মতে, শুকুৰবাৰে নিশা ওম প্ৰকাশ চন্দক নামৰ দোকানখনৰ মালিকয়ে দোকান বন্ধ কৰি যোৱাৰ পাছতে বন্ধ দোকানখনৰ পৰা ধোৱা ওলোৱা প্ৰত্যক্ষ কৰে স্থানীয় লোকে । লগে লগে প্ৰত্যক্ষদৰ্শীয়ে সদৰ থানা আৰু অগ্নি নিৰ্বাপক বাহিনীক ঘটনাৰ বিষয়ে খবৰ দিয়ে । এই অগ্নিকাণ্ডৰ খবৰ পায় তাৎক্ষণিকভাৱে ঘটনাস্থলীত উপস্থিত হয় আৰক্ষী আৰু অগ্নি নিৰ্বাপক বাহিনী । অগ্নি নিৰ্বাপক বাহিনীৰ তিনিখন গাড়ীয়ে প্ৰায় এঘন্টামানৰ ভিতৰতে জুই নুমুৱাবলৈ সক্ষম হয় । কিন্তু জুই নমোৱা পৰ্যন্ত দোকানখনৰ প্ৰায় সকলো সা-সামগ্ৰীৰ জ্বলি ছাই হৈ পৰে। প্ৰায় দহ লাখ মান টকাৰ সামগ্ৰী অগ্নিকাণ্ডটোত নিঃশেষ হৈ পৰে(devastating fire at Lakhimpur) ।
তাৎক্ষণিকভাৱে অগ্নি নিৰ্বাপক বাহিনী আহি অগ্নিকাণ্ডটো নিয়ন্ত্রণ নকৰিলে হয়টো এই অগ্নিকাণ্ড আৰু অধিক ভয়াবহ হৈ পৰিলহেতেন ।
লগতে পঢ়ক :Fire break out: জোনাই সদৰৰ দৈনিক বজাৰৰ মাজমজিয়াত ভয়ংকৰ অগ্নিকাণ্ড