ৰাজ্যত জাপানীজ এনকেফেলাইটিছৰ সংক্ৰমণৰ ফলত হোৱা মৃত্যুৰ সংখ্যা ৪৮ লৈ বৃদ্ধি
![](https://mynewsne.com/wp-content/uploads/2022/08/18767880-4400671563do.tmb-1200v-2.jpg)
নিউজ ডেস্ক, ২ আগষ্ট : সোমবাৰে নিশা জাপানীজ এনকেফেলাইটিছ (JE)ত আক্ৰান্ত এজনী ১৪ বছৰীয়া নাবালক ছোৱালীৰ মৃত্যু হৈছে। তাৰ লগে লগে ৰাজ্যখনত জাপানীজ এনকেফেলাইটিছৰ সংক্ৰমণৰ ফলত হোৱা মৃত্যুৰ সংখ্যা ৪৮ লৈ বৃদ্ধি পাইছে।
উল্লেখ্য যে, মৃত ছোৱালীজনী অসমৰ তিনিচুকীয়া জিলাৰ লাইকা পোমা গাঁৱৰ বাসিন্দা আছিল বুলি জানিব পৰা গৈছে।
এই বছৰৰ জুলাই মাহত মহ-জনিত ৰোগে ‘গুৰুতৰ ৰূপ’ লোৱাৰ পিছত ৰাজ্যখনত মুঠ JE ত আক্ৰান্ত ৰোগীৰ সংখ্যা বৰ্তমান ২৯৫ লৈ বৃদ্ধি পাইছে।
বিষয়টো বিবেচনা কৰি, ৰাজ্যজুৰি জিলা প্ৰশাসনে মাৰাত্মক ৰোগটো বিয়পাৰ পৰা প্ৰতিৰোধ আৰু নিয়ন্ত্ৰণ কৰিবলৈ দ্ৰুত সঁহাৰি দল গঠন কৰিছিল।