Dead body recovered : ভাড়াঘৰত ৰহস্যজনক অৱস্থাত উদ্ধাৰ ব্যক্তিৰ মৃতদেহ; শুই থকা অৱস্থাতে উদ্ধাৰ মৃতদেহ
নিউজ ডেস্ক, ৫অক্টোবৰ : ভাড়াঘৰত ৰহস্যজনক অৱস্থাত উদ্ধাৰ ব্যক্তিৰ মৃতদেহ । শুই থকা অৱস্থাতে উদ্ধাৰ মৃতদেহ(Dead body recovered) ।
ৰাজ্যত প্ৰতিদিনে উদ্ধাৰ হয় এটাৰ পিছত আন এটা ৰহস্যজনক মৃতদেহ। প্ৰতিদিনে সংবাদ মাধ্য়মৰ শিৰোনাম দখল কৰে মৃতদেহ উদ্ধাৰৰ ঘটনাই। ৰাজ্যত ধাৰাবাহিক ভাৱে ইটোৰ পিছত সিটো মৃতদেহ উদ্ধাৰ হৈ আছে । ৰাজ্যত ক্ৰমাৎ বৃদ্ধি হৈছে অপৰাধজনিত ঘটনা । বিগত দিনসমূহত ৰাজ্যৰ প্ৰতিটো প্ৰান্তত মৃতদেহ উদ্ধাৰৰ ঘটনাই বাতৰিৰ শিৰোনাম দখল কৰি আহিছে ।
এইবাৰ শিৱসাৰত উদ্ধাৰ ব্যক্তিৰ মৃতদেহ । শিৱসাৰৰ জিলাৰ নাজিৰা নগৰৰ হবিবুৰ ৰহমান পথৰ ৯ নং ৱাৰ্ডৰ এটি ভাড়াঘৰত ৰহস্যজনক অৱস্থাত উদ্ধাৰ ব্যক্তিৰ মৃতদেহ(Deadbody recovered in Nazira) ।
জানিব পৰা মতে, উদ্ধাৰ হোৱা মৃতদেহটো যোৰহাট কেন্দুগুৰিৰ ২ নং বামুণগাঁৱৰ হিমাংশু বৰুৱাৰ বুলি চিনাক্ত কৰা হৈছে । কৰ্মসূত্ৰে হিমাংশু প্ৰায় ১ বছৰ ধৰি নাজিৰা নগৰত বাস কৰিছিল । নাজিৰা হবিবুৰ ৰহমান পথৰ ৯নং ৱাৰ্ডত ভাড়াতীয়া হিচাপে বাস কৰি আছিল হিমাংশু বৰুৱাই। ভাড়াঘৰৰ মালিকে জনোৱা অনুসৰি কিছুদিন পূৰ্বে বিবাহপাশতো আৱদ্ধ হৈছিল হিমাংশু বৰুৱা। কিন্তু মৃতদেহ উদ্ধাৰ হোৱা সময়ত ভাড়া ঘৰটোত আন কোনো ব্যক্তি নাছিল। মৃতদেহৰ কাষত সুৰাৰ বটল, চিগাৰেটৰ পেকেটৰ লগতে তেজৰ চেকুৰা প্ৰত্যক্ষ কৰিছে আৰক্ষীয়ে ৷
উল্লেখ্য যে, হিমাংশু বৰুৱা নাজিৰা ICICI বেংকৰ কৰ্মচাৰী আছিল । কিন্তু প্ৰায় ৫ মাহ পূৰ্ৱে তেওঁ চাকৰি এৰিছিল। বুধবাৰে সন্ধিয়া ভাড়াঘৰৰ মালিকলৈ ব্যক্তিজনৰ পৰিয়ালৰ লোকে ফোন কৰিছিল । হিমাংশু বৰুৱাৰ সৈতে সংযোগ স্থাপন কৰিব নোৱাৰি আৰু হিমাংশুৰ খবৰ জানিব বিচাৰে। ভাড়াৰৰ মালিকলৈ ফোন অহাত মালিকে ফোনটো হিমাংশু বৰুৱাক পৰিয়ালৰ লোকৰ সতে যোগাযোগ কৰাবলৈ গৈ হিমাংশু বৰুৱা থকা কোঠাত সন্দেহজনক অৱস্থাত শুই থকা দেখি নাজিৰা আদৰ্শ আৰক্ষী থানাক খবৰ দিয়ে।
ঘটনাৰ খবৰ পোৱাৰ লগে লগে ঘটনাস্থলীত নাজিৰা আদৰ্শ আৰক্ষী থানাৰ আৰক্ষী উপস্থিত হৈ হিমাংশু বৰুৱাৰ নিথৰ দেহ প্ৰত্যক্ষ কৰে। আৰক্ষীয়ে হিমাংশুৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে জয়সাগৰ অসামৰিক চিকিৎসালয়লৈ প্ৰেৰণ কৰে।
ইতিমধ্যে নাজিৰা আদৰ্শ আৰক্ষী থানাৰ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে। বৰ্তমানলৈ জানিব পৰা হোৱা নাই এয়া হত্য়াকাণ্ড নে অন্য কৰি । আৰক্ষীৰ তদন্তৰ অন্তত হে পোহৰলৈ আহিব সমগ্ৰ ঘটনা ।
লগতে পঢ়ক :Dead body recovered in Jorhat : নিজ বাসগৃহতে উৱঁলি যোৱা অৱস্থাত উদ্ধাৰ মহিলাৰ মৃতদেহ