নিউজ ডেস্ক, ১৩ নৱেম্বৰ : দীপাৱলীৰ আনন্দ উল্লাহৰ মাজতে ৰহস্য়জনকভাৱে যুৱকৰ মৃতদেহ উদ্ধাৰ । এক শিহৰণকাৰী ঘটনা । লখিমপুৰত সংঘটিত হৈছে এই ঘটনাটো(Deadbody recovered in Lakhimpur) ।
সোমবাৰে পুৱা লখিমপুৰ উদ্ধাৰ কৰা হৈছে যুৱকৰ মৃতদেহ । সোমবাৰে লখিমপুৰ চিকিৎসা মহাবিদ্য়ালয় হাস্পতালৰ সমীপৰ চাবতি চৌখাম গাঁৱৰ নামঘৰৰ সম্মুখত উদ্ধাৰ হয় দুই যুৱকৰ মৃতদেহ ।
মৃত যুৱক দুজন কদমৰ চিৰঞ্জীৱ ৰাজখোৱা (২৪) আৰু বিকু দাস বুলি চিনাক্ত কৰা হয়(Body Recovered in Lakhimpur) ।
উল্লেখযোগ্য যে লখিমপুৰ নগৰৰ মৈদমীয়াৰ চিলভাৰ ক্ৰিষ্ট হাস্পতালত প্ৰায় দুবছৰ ধৰি লেব’ৰেটৰী টেকনিচিয়ান হিচাপে কৰ্মৰত হৈ আছিল চিৰঞ্জীৱ ৰাজখোৱা। আনহাতে বিকু দাস লখিমপুৰ বজাৰৰ দিলীপ ষ্টোৰ নামৰ এখন দোকানত কাম কৰিছিল ।
জানিব পৰা মতে, দেওবাৰে নিশা চিৰঞ্জীৱ ৰাজখোৱাই তেওঁ কৰ্তব্যলৈ বুলি ওলাই আহি চিলভাৰ ক্ৰেষ্ট হাস্পতালত সোমাই কোনো কাৰণত আকৌ ওলাই যায় । তাৰ পাছত পুৱাই যুৱকজনৰ মৃতদেহ পৰি থকা অৱস্থাত উদ্ধাৰ হয় ।
স্থানীয় ৰাইজে উল্লেখ কৰা মতে, চিৰঞ্জীৱ ৰাজখোৱাৰ মৃতদেহৰ কাষতে তেওঁৰ বাইকখনো পৰি আছিল ।স্থানীয় ৰাইজৰ পৰা খবৰ লাভ কৰাৰ লগে লগে যুৱকজনৰ কৰ্মস্থলীৰ চিলভাৰ ক্ৰেষ্ট হাস্পতালত পৰিয়ালৰ একাংশ লোক উপস্থিত হয় । যুৱকজনৰ আত্মীয় তথা ৰাইজে চিলভাৰ ক্ৰেষ্ট হাস্পতালত কৰ্মচাৰীৰ উপস্থিতি বহী চাবলৈ বিচাৰে যদিও প্ৰথম অৱস্থাত কৰ্তৃপক্ষই বহী দেখুৱাবলৈ সক্ষম নোহোৱা বুলি অভিযোগ উত্থাপিত হৈছে । সেই সময়তে তাত উপস্থিত এজন লোকৰ সৈতেও ৰাইজৰ বাক বিতণ্ডা হয় । পৰিস্থিতি উত্তপ্ত হয় যদিও আৰক্ষী উপস্থিত হৈ পৰিস্থিতি নিয়ন্ত্রণ কৰে ।
এই ঘটনাই এতিয়াই অঞ্চলজুৰি চাঞ্চল্যৰ সৃষ্টি কৰিছে । আৰক্ষীয়ে ইতিমধ্যে ঘটনা সন্দৰ্ভত তদন্ত আৰম্ভ কৰিছে ।
লগতে পঢ়ক : BJP Leader Dead Body Found Hanging From Tree : চিপ লৈ গছৰ ডালত ওলমি থকা অৱস্থাত উদ্ধাৰ বিজেপি নেতাৰ মৃতদেহ ।